Ndanyele 4:3 - Livulu lya Shukulu Kalunga

³ “Vikomokeso vyakatumwesa Njambi vyapwa vyakama manene! Vizivukiso vyendi vyahyana nzili! Njambi wapwa wa ku myaka yoshe, ikeye akashwana visimbu vyoshe.

Ndanyele 4:3 Iomraidhean Croise

Yombi 25:2

“Njambi wapwa wa nzili, voshe vanapande kumukomoka, anyunga vumwene vwendi vwa mwilu mu kwoloka.

Myaso 104:24

Yove Shukulu Kalunga unatanga vyuma vyavingi! Wavitangele vyoshe na mana ove! Kaye kanashulu na vije viwatangele.

Myaso 105:27

Vasholwele vilinga vya Njambi vya nzili, co valingile vizivukiso na vikomokeso mu Ingito.

Myaso 145:13

Vumwene vwove vwapwa vwa ku myaka yoshe, co yove wapwa u mwene wa ku myaka yoshe. Shukulu Kalunga wapwa muka-vushunga ku cikulaeso cendi, wapwa lalo wa cizemo ku vyoshe vije vyatangele.

Myaso 66:7

Ikeye ashwana na nzili yendi ku myaka yoshe, co mesho endi alinakukenga a miyati yoshe. Kesi mumutengulukile nakumulwisa.

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!

Myaso 77:19

Wendele a mankimba, wajavukile mema a kalunga, oloni myanja yove kuyasholokele.

Myaso 86:10

Yove uwakama, co ukalingi vyuma vyakukomokesa omwo yove lika u Njambi.

Myaso 92:5

Yove Shukulu Kalunga! Vipangi vyove vyapwa vyakama! Na viyongola vyove vyapwa vyakulova!

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 28:29

Mana oshe awa atunda kuli Shukulu Kalunga Muka nzili yoshe. Matumbe oshe akalingi Njambi apwa akushungama, co simbu yoshe apwa amavwa.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Ndanyele 2:2

Ngecivene, washikile ngeci vakasane vaka-kulukiya, na vaka-manseno, na vimbanda, na valozi ngeci vakumulumbunwine njozi yendi. Omo vezile nakwimana ku mesho a mwene,

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Loma 11:33

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

VaHevelu 1:8

Oloni nameme ngoco ali Mwana, Njambi wendekele ngwendi, “Litanda lyove, Yove Njambi, likakala ku myaka yoshe! Washwana vanu vove na vushunga.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”