Ndanyele 4:27 - Livulu lya Shukulu Kalunga

²⁷ Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Ndanyele 4:27 Iomraidhean Croise

Kushangumuka 11:4

Asinoni valyendekesele ngwavo, “Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.”

1 Vimyene 21:29

“Wamono Ahave mwanalikeesa ku mesho ange ndi? Omwo nalingi ngacije, kunjikamuhisa mu simbu yakuyoya kwendi, oloni njikanena vukalu a naanga ya Ahave a simbu yakuyoya kwa munendi.”

Myaso 119:46

Njikambulula mashiko ove ku vimyene, co kunjikazivi shwamwa,

Visimo 11:2

Vaka-kulyalesa vakaziva shwamwa, oloni vaka-kulikeesa vakakala na mana.

Visimo 16:6

Pwa wa kulongwa nakushungama, co Njambi akakusambesa ku vuvi vwove, ononoka Shukulu Kalunga, co cuma nacimo cai cacivi cikalingiwa kuli yove.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Isaya 10:13

Mwene wa Asilya alinakulishasha ngwendi, “Vyoshe evi njavilingi ange lika. Njili na nzili na mana nakunyanyama. Njinazimangana vinginga akati ka miyati, co njinambata vufuko vuje vatulikile. Ngwe ngombe wa nkomba, njalyatangela vanu vaje vakele muje.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Isaya 47:8

“Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Njelemiya 29:7

Lingeni vyavivwa mu vinganda muje munjamitwalele kupwa vinzinda. Lombeleni kuli yange a vinganda evi, omwo nga evi vinganda vivezika, co neni lalo mukavezika.

Njelemiya 38:20

Co njamukumbulwile ngwange, “Naumo wai akakwana ku mavoko a vaYunda. Yange njikulomba lika ngwange wononoke majwi a Shukulu Kalunga, co vyuma vyoshe vikapwa vyavivwa kuli yove, co vakakuseza na mwonyo.

Ezekiyele 18:7

Kesi kukwisa nambe kwivila munu umo embwe. Akelwisa vije vyakamwana muka-kukumuna kupwa cishimbikiya, muka-kulisa vaka-njala, nakwana vuzalo kuli vaje vali na vuzu.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ezekiyele 29:9

Ingito ikapwa ngundu yangoco. Asinoni ukazivuka ngeci yange njapwa Kalunga. “Omwo wendekele ngwove Ndonga ya Nailo yapwa yove, co yove waipangele,

Njwele 2:14

Amo Shukulu Kalunga Njambi yeni akatengululako viyongola vyendi nakumivezikisa na vimbuto vyavingi manene. Asinoni mukalambula kuli ikeye vimbuto na vinyu.

Amose 6:13

Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”

Yona 3:9

Amo Njambi akatengululako viyongola vyendi, amo ikeye akalikela kuluvala, cooni kutukanyongo!’ ”

Hambakuke 1:11

Asinoni vaita ngwe lihunzi, co vanai, vanu ava vakalemesa nzili yavo kuyipwisa ngwe njambi yavo.”

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

Mateo 3:8

Lingeni vyuma vije vimwesa ngeci munatenguluka ku vivi vyeni.

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Vilinga vya Miluwa 24:25

Oloni omo Paulu wakele nakusimutwiya a vuvwa na akulinyunga na akwija kwa Litangwa Lyakusompa, Felikisi wazivile lyova wendekele ngwendi, “Ololo wasa kuya. Njikusana lalo omo njiwana simbu.”

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Vilinga vya Miluwa 8:22

Ngecivene, tenguluka utunde ku viyongola vyove vyavivi, co lomba kuli Mwene ngeci akusambese ku viyongola vyove ngwe evi.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

Kwituluka mu Mashiko 24:13

Mwilwisilenico simbu ya cingwezi ngeci akalale oku nalifwiki. Co akamishangazala, co cikapwa cuma cacivwa ku mesho a Shukulu Kalunga Njambi yeni.

Kwituluka mu Mashiko 32:27

Oloni kunjikecela vitozi vavo valishashe ngeci vanafungulula vanu vange, omwo yange vavenya njavatsene.’ ”

Kwituluka mu Mashiko 8:17

Ngecivene, nyanyameni kutewa mukendeka mu vimbunge vyeni ngweni, ‘Yetu vavenya twalifukisa na nzili yetu na vukama vwetu.’

1 Petulu 4:8

Akamwa ya vyoshe evi, lizemeni umo na mukwavo na nzili, omwo cizemo cikafwiki vivi vyavingi.