Ndanyele 4:25 - Livulu lya Shukulu Kalunga

²⁵ Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 4:25 Iomraidhean Croise

Myaso 103:19

Shukulu Kalunga natumbika litanda lyendi mwilu, ikeye mwene wa vyoshe.

Myaso 106:20

Valandakanene vumpau vwa Njambi, na cifwa ca kasitu wakulya mwila.

Myaso 75:7

Njambi lika ikeye lyaako, ahisa munu umo nakusambesa mukwavo.

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Njelemiya 27:5

“Yange njatangele kaye, na vanu, na tusitu, vaje vali ano asi, na nzili yange yakama na livoko lyange lyakwolola, co njivyana kuli munu uje injashaka.

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 2:37

Yove shukulu, yove unapu uwakama ku vimyene voshe. Njambi wa mwilu nakupwisa mwene, co nakwana nzili, na kasingimiko.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 4:16

A myaka itanu na ivali kakakala na mana a vunu, oloni akakala na mana a kasitu.

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 4:2

Njilinakumileka vikomokeso na vizivukiso vije vyananjilingila Njambi wa Akamwa ya Akamwa.