Ndanyele 4:19 - Livulu lya Shukulu Kalunga

¹⁹ Ngecivene, Ndanyele, uje vatumbwile lalo Mbeletesezale walikomokelele ngeci kasele kwendeka cuma cimo. Co mwene wendekele kuli ikeye ngwendi, “Mbeletesezale, kesi utave njozi eyi ikukomokese embwe.” Co Mbeletesezale wakumbulwile ngwendi, “Yove shukulu, nga citava njozi eyi na muje muyinalumbunukila inapande kukundama kuli vitozi vove kesi kuli yove.

Ndanyele 4:19 Iomraidhean Croise

Kushangumuka 31:35

Lakele wendekele kuli ishe ngwendi, “Kesi muluvale nange mwane, kunjasa kwimana ku mesho eni, omwo njili ku cilika ca vanakazi.” Co Lambani washakezekele oloni kawanene tumponya twa mu njuvo yendi.

Kushangumuka 32:18

Co munapande kumukumbulula ngweni, ‘Vinapu vya ngamba yove Yakomba. Ikeye navitumu kupwa vwana kuli shukulu yendi Isau, na ikeye vene Yakomba alinakwija munima yetu.’ ”

Kushangumuka 40:12

Ngecivene, Yosefa wamulekele ngwendi, “Eyi njozi yove inanunguluka ngeci minango itatu inapu matangwa atatu.

1 Vimyene 18:7

Omo Ovandiya wakele nakuya mu ngila, sisumuku naliwana na Elinja. Wamuzivukile, watsikamene asi nakumulemesa, co wamwihwile ngwendi, “Mwa vushunga yove Elinja?”

Kutuuka 32:32

Shukulu vasambese ku vuvi vwavo, oloni nga shove, co tundisa lizina lyange mu livulu lije wasoneka mazina a vanu vove.”

Njelemiya 29:7

Lingeni vyavivwa mu vinganda muje munjamitwalele kupwa vinzinda. Lombeleni kuli yange a vinganda evi, omwo nga evi vinganda vivezika, co neni lalo mukavezika.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Ndanyele 1:7

Co uje mwata wa mukulunu wavalukile mazina amaha a vaMbambilone. Ndanyele wamulukile Mbeletesezale, Hananiya wamulukile Shandelaki, co Mishaele wamulukile Meshake, co Azaliya wamulukile Ambendenengo.

Ndanyele 2:26

Co mwene wendekele kuli Ndanyele (uje lalo ivatumbwile Mbeletesezale) ngwendi, “Wasa kunjileka vinjalotele nakunjilumbunwinavyo ndi?”

Ndanyele 2:37

Yove shukulu, yove unapu uwakama ku vimyene voshe. Njambi wa mwilu nakupwisa mwene, co nakwana nzili, na kasingimiko.

Ndanyele 4:24

“Omu mukemwo muyinalumbunukila njozi eyi kuli yove shukulu, co evi vikevyo vikalingiwa kuli yove kulutwe vyanakuleke Njambi wa Akamwa ya Akamwa.

Ndanyele 5:12

Ikeye simbu yoshe wakala na mana, nakunyanyama, na vutongwe mukulumbununa vinjozi, nakulumbununa tusau, nakulumbununa mahungu, ngecivene, tuma munu akasane ou munalume Ndanyele uje valukile lizina kuli mwene lya Mbeletesezale, co akukuleka muvinalumbunukila vije visoneka vyasholokele.”

Ndanyele 5:18

“Njambi wa Akamwa ya Akamwa wapwisile isho Nevukaneza mwene wakama, co wamwanene vulemu na vukama.

Ndanyele 5:19

Ikeye wapwile wakama manene ngeci vanu va mafuti oshe na miyati yoshe ya vanu na vaka-kwendeka mu vindaka vyeka vamutewele nakumuzivila lyova. Nga ashaka kutsiya munu, aje vene asa kumutsiya, nga ashaka kwamena munu, co aje vene asa kumwamena. Ikeye wasele kusingimika munu nambe kumupopolola.

Ndanyele 7:15

Vimona vije njamwene vyanjishotesele manene mbunge, co njakele mu vukalu vwakama.

Ndanyele 7:28

Aa akeo anahwila majwi. Yange Ndanyele njakele na lyova manene, cihanga cange cafufutukile, co njanyungile majwi oshe awa mu mbunge yange.

Ndanyele 8:27

Co yange Ndanyele, njazeyele manene nakuvinja matangwa amo. Asinoni njendukile, co njapangele vipangi vya mwene vije vyanjikundikile, oloni njalikomokelele a cimona cije kunjasele kucizivisisa.

Hambakuke 3:10

Omo minkinda yakumwene, co yaningangele, mema etikile kutunda mu mashelwa. Mema a mwisi ya asi akumine, co mankimba awo akatukile kuya kwilu manene.

1 Samwele 1:15

Oloni Hana wamukumbulwile ngwendi, “Embwe mwane, kunjapendele. Kunjesi kunwa! Njinakala nakulombela, nakwana tuyando twange kuli Shukulu Kalunga.

1 Samwele 24:8

Co Ndaviti watuukile lalo, wamukavele munima, wamusanene ngwendi, “Shukulu!” Co Saulu watengulukile nakukenga kunima, co Ndaviti watsikamene asi nakulemesa,

1 Samwele 26:15

Co Ndaviti wendekele ngwendi, “Avinele, kuma kesi yove munalume wakukomokesa mu Isalele ndi? Omwo vikajo kuwanyungile shukulu yove? Ololo vene mu cilombo ceni munakovelele munu ngeci atsiye shukulu yove.

1 Samwele 3:17

Co Eli wamwihwile ngwendi, “Vikajo vyanakuleke Shukulu Kalunga? Kesi unjishwekele cuma cimo, Njambi akakuhisa nga unjishwekela vyoshe vije vyanakuleke.”