Ndanyele 4:17 - Livulu lya Shukulu Kalunga

¹⁷ Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 4:17 Iomraidhean Croise

1 Vimyene 21:25

(Kukwakele umo walingile manene vuvi ku mesho a Shukulu Kalunga ngwe Ahave, akumusindiya kuli munakazi wendi Njezevele.

2 Mizimbu 28:22

Omo tuyando twendi twaamene manene, uje munalume Ahaze wavulumwine manene ku mesho a Shukulu Kalunga.

Myaso 103:19

Shukulu Kalunga natumbika litanda lyendi mwilu, ikeye mwene wa vyoshe.

Myaso 12:8

Vaka-vuvi vali kwoshe-ikwoshe, co vanu voshe valinakushangala vyuma vije vyavivi.

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Isaya 6:8

Asinoni njazivile lijwi lya Shukulu Kalunga ngwalyo, “Iyajo injikatuma! Iyajo akapwa muluwa wetu?” Co njakumbulwile ngwange, “Yange unoye! Njitumeni!”

Ezekiyele 25:17

Njikavanyanyamesa manene nakuvalinga shambandinga. Co vakaziva vukalu vwange. Asinoni vakazivuka ngeci yange njapwa Kalunga.”

Ezekiyele 7:24

Njikanena miyati yaivi manene kuno nakukala mu vinjuvo vyeni. Vanu veni vakutakama kuvakasimpi lalo, omo njikatava miyati kuzilulula mitambela kuje kumwakele nakulemesela.

Ndanyele 11:21

Co uje kangelo wakele nakulumbununa ngwendi, “Mwene wa Silya mukwavo akapwa mwene wamuvi uje kapwilemo mukupwa mwene, oloni akaija cishitumukila, co akakala na nzili na linyanyamena.

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 4:2

Njilinakumileka vikomokeso na vizivukiso vije vyananjilingila Njambi wa Akamwa ya Akamwa.

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Loma 13:1

Munu woshe napande kwononoka kuli vaka-kushwana, omwo naumo wai ashika kuvanga Njambi namwangula, co vaka-kushwana vaje valiko Njambi ikeye navemika.

1 Kolinte 1:28

Ikeye waangwile vije vivashawile vaka-kaye nakuviyeluwisa nakuviyongola ngeci vinapu vyangoco, ngeci anyongese vije vivayongola vaka-kaye ngwavo vinapu vya vulemu.

1 Timateo 5:21

Ku mesho a Njambi na ku mesho a Kilistu Yesu na ku mesho a tungelo vakujela njilinakukushika ngwange unapande kwononoka vilongesa evi kujeneka kumwesa cizemo kuli umo na civembulu kuli mukwavo, nambe kesi usompe na cin̄asi ali umo a cuma cimo yove ulinakucilinga.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”

1 Samwele 2:8

“Ikeye atundisa tuutu mu likungu, co avakwasa mukujeneka kwavo. Akavapwisa vasamba va vimyene akavaka mu myela ya kasingimiko. Luvula lwa kaye lwapwa lwa Shukulu Kalunga, akeo natungila kaye.