Ndanyele 4:16 - Livulu lya Shukulu Kalunga

¹⁶ A myaka itanu na ivali kakakala na mana a vunu, oloni akakala na mana a kasitu.

Ndanyele 4:16 Iomraidhean Croise

2 Samwele 18:32

Mwene wehwile ngwendi, “Vati mukwenje Avisalome alimwamuvwa ndi?” Uje ndungo wamukumbulwile ngwendi, “Njishaka ngeci eci calingiwile kuli ikeye, cikalingiwa lalo kuli vitozi vove voshe shukulu, na kuli voshe vaje vakutengulukilile nakukulwisa.”

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Ndanyele 11:13

“Mwene wa Silya akeluka nakukungulula mashwalale vavangi kutuvakana vaje vakele navo akulivanga. Omo simbu yaivwa iketa, co akeluka na mbunga yakama ya mashwalale vaje vanalivwaesela cimweja vyuma vya nzita.

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

Ndanyele 4:23

Omo yove shukulu wakengele, co wamwene kangelo muka-kunyunga watundile mwilu wendekele ngwendi, ‘Shinjeni muti ou nakuunyongesa, oloni sezeni nsina yawo mu livu. Ikuteni na lilyenge lya vutale na vunengu, co isezeni muje vene mu lihya mu mwila. Lime liwile ali munu ou, co akakale kuje vene amo na tusitu noo myaka itanu na ivali!’

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 7:28

Aa akeo anahwila majwi. Yange Ndanyele njakele na lyova manene, cihanga cange cafufutukile, co njanyungile majwi oshe awa mu mbunge yange.

VaHevelu 1:11

Vikevyo vyoshe vikaita, oloni yove ukakala, vikevyo vyoshe vikakuluvala ngwe vuzalo vwalaja.

Kujombolola 12:14

Co uje munakazi vamwanene mambava avali a ngonga wakama ngeci apulwile ku mutambela wendi mu mambo, kuje vakamulelela a myaka itatu na vingonde vitanu na imo mukumwamena ku vushonde vwa uje canza-ngombe.