Ndanyele 3:29 - Livulu lya Shukulu Kalunga

²⁹ “Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Ndanyele 3:29 Iomraidhean Croise

2 Vimyene 10:27

Ngecivene, vanyongesele ije manda yakujela na njuvo ya kulemesela Mbale, co vatengulwile ije njuvo yakulemesela Mbale kuyipwisa mbushu kweta na ku litangwa lya lelo.

Ezela 6:11

Co lalo njinashiki ngeci woshe avyana lishiko eli, vashomone mukambo ku njuvo yendi, co vakamujundule nakumushukika. Ngeci njuvo yendi ipwe mutumbo wa lishito-shito.

Myaso 3:8

Kwamena kwatunda kuli Shukulu Kalunga, Shukulu Kalunga avezikise vanu vendi!

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Ndanyele 1:19

Co mwene wendekele navo voshe, kukwakele umo akati ka vakwenje voshe vaje uje wakele na mana ngeci mwa Ndanyele, na Hananiya, na Mishaele, na Azaliya. Ngecivene, vakwenje vaje vawana vapangelele mwene.

Ndanyele 1:7

Co uje mwata wa mukulunu wavalukile mazina amaha a vaMbambilone. Ndanyele wamulukile Mbeletesezale, Hananiya wamulukile Shandelaki, co Mishaele wamulukile Meshake, co Azaliya wamulukile Ambendenengo.

Ndanyele 2:17

Omo Ndanyele waile kwimbo, co wakalekeleko vasamba vendi, Hananiya, na Mishaele, na Azaliya vije vyalingiwile.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 2:49

Ndanyele walombele kuli mwene ngeci mwene aane Shandelaki, na Meshake, na Ambendenengo moko yakukenga a vyuma vyoshe vya mu lifuti lya Mbambilone, co Ndanyele wakele lika mu mbanja ya vumwene.

Ndanyele 2:5

Co mwene wendekele kuli vakevo ngwendi, “Njayongola laja ngwange, nga kumunjileke njozi yange na muje muyinalumbunukila, co njikashika ngeci vamitetange vipuka-vipuka nakunyongesa vinjuvo vyeni.

Ndanyele 3:12

Oloni kuvali vaYunda vamo vaje vawaanene moko yakushika lifuti lya Mbambilone, Shandelaki, na Meshake, na Ambendenengo, vakevo shavo kwononoka lishiko lyove shukulu. Kuvesi nakulemesa njambi yove, nambe kukulama ku kamponya kaje kaunemika.”

Ndanyele 3:15

Ngecivene, ololo, omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka, co kulameni nakulemesa kamponya. Nga sheni, co vakamyumbila mu litende lya tuhya. Kuma yeni munayongola ngweni kuli njambi weka lalo uje asa kumyamena ndi?”

Ndanyele 3:17

Nga Njambi ou itwapangela asa kutwamena mu litende lya tuhya na ku nzili yove, co asa vene.

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Ndanyele 6:28

Co Ndanyele wavezikile a simbu yashwanene Ndalyuse na a simbu yashwanene Siluse kaPelesha.

Kwituluka mu Mashiko 32:31

Vitozi vavo vazivukile ngeci vinjambi vavo vapwa vakuzeya, kuvesi na nzili ngwe Njambi ya Isalele.