Ndanyele 3:28 - Livulu lya Shukulu Kalunga

²⁸ Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Ndanyele 3:28 Iomraidhean Croise

Kushangumuka 9:26

Vashangazale Shukulu Kalunga, Njambi ya Shemi! Oloni Kanana akapwa ndungo ya Shemi.

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

2 Mizimbu 32:21

Co Shukulu Kalunga watumine kangelo uje wakatsiile mashwalale na vamyata va mbunga ya mashwalale vaAsilya. Ngecivene, mwene welukile na shwamwa ku lifuti lyendi. Co litangwa limo omo wakele mu njuvo ya njambi yendi, vana vendi va vanalume vamutsiile na mikwale yavo.

Ezela 1:3

Ngecivene, ololo, yeni voshe vaje munapu vanu va Njambi, yeniko, co Shukulu Kalunga Njambi ya Isalele, Njambi uje ivalemesa mu Yelusalema akale amo neni.

Ezela 6:11

Co lalo njinashiki ngeci woshe avyana lishiko eli, vashomone mukambo ku njuvo yendi, co vakamujundule nakumushukika. Ngeci njuvo yendi ipwe mutumbo wa lishito-shito.

Myaso 103:20

Yeni tungelo va nzili shangazaleni Shukulu Kalunga, yeni vaka-kwononoka mashiko endi,

Myaso 147:11

oloni avwaelela lika muli vaje vamukomoka, na muli vaje voshe vakulaela mu cizemo cendi cije kucesi kutenguluka.

Myaso 33:18

Shukulu Kalunga akenga ali vaje vamukomoka, na ali vaje vakulaela a cizemo cendi cije kucesi kutenguluka,

Myaso 33:21

Tulinakujolela muli ikeye, omwo tunakulaela mu lizina lyendi lyakujela.

Myaso 34:22

Shukulu Kalunga amena myonyo ya vangamba vendi, naumo wai atewela muli ikeye vakamuhise.

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 3:25

Co wendekele ngwendi, “Omwo vikajo njinamono vanalume vawana valinakwendangana mu tuhya? Vakevo lalo kesi vakukuta embwe, co kuvesi nakusholoka ngwe valinakwenya embwe, co umo wavo wamuciwana nafu ngwe kangelo.”

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 6:16

Ngecivene, mwene washikile ngeci vakatwale Ndanyele nakumumbila mu mbulu ya vindumba. Co wendekele kuli Ndanyele ngwendi, “Njambi yove, uje iwapangela simbu yoshe na kulongwa, akwamene.”

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Vilinga vya Miluwa 4:19

Oloni Petulu na Yowano vavakumbulwile ngwavo, “Yeni vavenya waneni cuma muka cacivwa ku mesho a Njambi, kwononoka yeni nambe kwononoka Njambi.

Vilinga vya Miluwa 5:19

Oloni ku vutsiki vuje vene kangelo ka Shukulu Kalunga washokolwele vikolo vya kamenga, co watuwile miluwa anja, wendekele kuli vakevo ngwendi,

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

1 Kolinte 13:3

Nga njana vyoshe vije njilinavyo, co nga njana muvila wange mukuwenyeka, oloni nga kunjesi na cizemo, eci kucinjikwasa embwe.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 11:37

Vavashele mamanya, vavatetangele na visaa, vavatapele na mikwale. Vendanganene vanazala vilambu vya vimanga nambe vya vimembe, vapwile tuutu vavayandesele nakuvapangesa mwamuvi.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.