Ndanyele 3:27 - Livulu lya Shukulu Kalunga

²⁷ Co vana va vimyene vyoshe, na vanguvulu, na vaka-kwimanena mu myela ya vanguvulu, na vaka-kunangula mwene valikungulwile nakwilula vaje vanalume kuvenyele ku tuhya, na vin̄ambu vyavo kuvyavavukile, na vuzalo vwavo kuvwenyele, nambe mivila yavo kuyanikile vwisi.

Ndanyele 3:27 Iomraidhean Croise

1 Vimyene 13:28

walondeleo, waile, wawanene muvila wa uje muka-kwimanena unalala mu ngila, cimulu na ndumba anga vanemanena kumukulo wawo. Co ndumba kalile uje muvila nambe kulwisa uje cimulu.

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Ndanyele 3:21

Ngecivene, vavakutile, oku vanazala vuzalo vwavo vwoshe, vikoveyo, na vikoveyo vyavilaja mavoko, na tukofwi, co vavombilile mu litende lya tuhya.

Ndanyele 6:23

Mwene wavwaelelele manene, co washikile ngeci vatundise Ndanyele mu mbulu. Ngecivene, vamutundisilemo oloni vamwene ngeci vindumba kuvamushumine omwo wakulaelele kuli Njambi.

Ndanyele 6:7

Yetu voshe tulinakutwamenena mu vumwene vwove, vaka-kutwamenena, na vanguvulu, na vaka-kwimanena mu myela ya vanguvulu, na vamyata veka, tunalizivasana ngwetu yove shukulu unapande kwaka lishiko nakulipangesa manene na nzili. Shika ngwove a matangwa makumi atatu naumo wai akalombela kuli njambi weka, nambe kuli munu weka kuvanga kuli yove shukulu. Woshe uje akajomboka lishiko eli vanapande kumumbila mu mbulu ya vindumba.

Mateo 10:30

Oloni Ishweni walava vin̄ambu vyoshe vya ku mitwe yeni.

Vilinga vya Miluwa 26:26

Omwo Mwene uzivukz vyuma vyoshe evi, co njendeka kuli yove nakusimpa. Njazivuka mwa vushunga ngwange unatambula vyuma evi cimo na cimo, omwo vyuma evi kuvyalingiwilile mu vushweke embwe.

Vilinga vya Miluwa 27:34

Ngecivene, njimilomba ngwange mulye vyakulya, muvishaka ngeci vimyane nzili. Nambe vin̄ambu vya ku mitwe yeni kuvikazimbala.”

VaHevelu 11:34

vazimine tuhya twatukalu, co vaputumukile kukuvatapa na mukwale. Vapwile vaka-kuzeya oloni vemukile vaka-nzili, vapwile vaka-nzili mu nzita, co vahyanene mashwalale va vangenzi.