Ndanyele 3:25 - Livulu lya Shukulu Kalunga

²⁵ Co wendekele ngwendi, “Omwo vikajo njinamono vanalume vawana valinakwendangana mu tuhya? Vakevo lalo kesi vakukuta embwe, co kuvesi nakusholoka ngwe valinakwenya embwe, co umo wavo wamuciwana nafu ngwe kangelo.”

Ndanyele 3:25 Iomraidhean Croise

Yombi 1:6

Co capwile ngeci a litangwa lije omo vana va Njambi vezile nakulisholola ku mesho a Shukulu Kalunga, co na Satana lalo wakele akati kavo.

Yombi 38:7

A mungulungengu vingongonosi vyalikungulwile na kwimba mwaso, co vanu va mwilu vatambekele nakujolela.

Yombi 5:19

Co ku simbu na simbu akakwamena ku vushonde,

Myaso 34:7

Kangelo ka Shukulu Kalunga akanyungu vaje vakomoka Shukulu Kalunga, nakuvapatula ku vushonde.

Visimo 30:4

Iyajo wazivuka mana a mwilu? Iyajo wakwatele lihunzi mu livoko lyendi? Nambe kuzengela mema mu vuzalo vwendi? Nambe kutwa vinginga vya kaye? Nga kwali munu wangacije njilekeni lizina lyendi. Njilekeni lalo na lizina lya munendi.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 1:8

Kesi uvazivile lyova embwe, omwo yange njikakala nove nakukunyunga. Yange Kalunga, njinendekamo!”

Njelemiya 15:21

Njikakwamena ku nzili ya vaka-vuvi na kuli vanu vavavi. Yange Kalunga, njinendekamo.”

Ndanyele 3:18

Oloni nga ikeye kasa, co yove shukulu zivuka ngwove mwa vushunga yetu kutwasa kulemesa njambi yove, co lalo kutwasa kukulama nakulemesa kamponya ka ngolinde kaje kaunemika.”

Ndanyele 3:24

Vwasi-vwasi Nevukaneza wakatukile wemanene nakulikomokela. Co wehwile vaka-kunangula vendi ngwendi, “Vanalume vangai twakutile nakuvombila mu litende lya tuhya? Kuma kuvapwile vatatu ndi?” Vamukumbulwile ngwavo, “Eyo shukulu, vapwile vene vanalume vatatu.”

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Ndanyele 6:23

Mwene wavwaelelele manene, co washikile ngeci vatundise Ndanyele mu mbulu. Ngecivene, vamutundisilemo oloni vamwene ngeci vindumba kuvamushumine omwo wakulaelele kuli Njambi.

Mako 16:18

Vakakwata manyoka, co nambe nga vakanwa vyuma vya vushungu, kuvikavavulumuna, vakakambeka mavoko avo ali vaka-kuvinja, co vakenduka.”

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Vilinga vya Miluwa 28:5

Oloni Paulu wamyangwilile uje linyoka mu tuhya kujeneka kuvulumuka.

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

1 Petulu 3:13

Iyajo akamivulumuna nga muli na cizango cakulinga vyavivwa?