Ndanyele 3:12 - Livulu lya Shukulu Kalunga

¹² Oloni kuvali vaYunda vamo vaje vawaanene moko yakushika lifuti lya Mbambilone, Shandelaki, na Meshake, na Ambendenengo, vakevo shavo kwononoka lishiko lyove shukulu. Kuvesi nakulemesa njambi yove, nambe kukulama ku kamponya kaje kaunemika.”

Ndanyele 3:12 Iomraidhean Croise

Esita 3:8

Ngecivene, Hamane walekele mwene ngwendi, “Kuli vanu vamo vanashandokela mu vumwene vwove vwoshe, co vali mu mafuti ove oshe. Co mashiko avo analyangunuka na mashiko a vanu voshe, co lalo kuvesi nakunyunga lishiko lyove mwene embwe, ngecivene, shukulu kumwapandele kuvatava ngoco embwe.

Visimo 27:4

Kuluvala kwapwa muuka, nakushandola, oloni cipululu cinahyana kuluvala.

Muka-kwambulula 4:4

Asinoni njamwene vanu omo vaundanganene kushaka kukala na vufuko vwavungi kutuvakana vakwavo. Oloni vinapu vyangoco. Vinapu lika ngwe kusheka lihunzi.

Ndanyele 1:7

Co uje mwata wa mukulunu wavalukile mazina amaha a vaMbambilone. Ndanyele wamulukile Mbeletesezale, Hananiya wamulukile Shandelaki, co Mishaele wamulukile Meshake, co Azaliya wamulukile Ambendenengo.

Ndanyele 2:48

Asinoni mwene waakele Ndanyele ku vukama, co wamwanene vwana vwavungi vwavuvwa, co wamushwanesele mu lifuti lyoshe lya Mbambilone, nakumupwisa mukulunu wa vaka-kunangula voshe va mu Mbambilone.

Ndanyele 2:49

Ndanyele walombele kuli mwene ngeci mwene aane Shandelaki, na Meshake, na Ambendenengo moko yakukenga a vyuma vyoshe vya mu lifuti lya Mbambilone, co Ndanyele wakele lika mu mbanja ya vumwene.

Ndanyele 3:11

co woshe uje kakulama nakulemesa kamponya, vanapande kumumbila mu litende lya tuhya.

Ndanyele 3:16

Co Shandelaki, na Meshake, na Ambendenengo vakumbulwile mwene ngwavo, “Yove shukulu, yetu kutwapandele kulyamena yetu vavenya embwe.

Ndanyele 3:29

“Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Ndanyele 3:30

Asinoni mwene waakele Shandelaki, na Meshake, na Ambendenengo ku vukama mu lifuti lya Mbambilone kutuvakana akulivanga.

Ndanyele 6:13

Co valekele mwene ngwavo, “Ndanyele vene, uje cinzinda wa ku Yunda, ikeye kesi nakukusingimika yove shukulu nambe kwononoka lishiko lije liwashikile. Ikeye akalombela visimbu vitatu a litangwa na litangwa.”

Ndanyele 6:14

Omo Mwene wazivile majwi awa, co wakele na citanga cakama, wayongwele kuwana ngila imo yakwamena Ndanyele. Wesekele manene noo litangwa lyatokele.

Vilinga vya Miluwa 17:7

co Njasone navatambula mu njuvo yendi. Co voshe valinakupokola mashiko a Nguvulu nakwendeka ngwavo kuli mwene weka lalo lizina lyendi Yesu.”

Vilinga vya Miluwa 5:28

“Twamishikile ngwetu kesi mulongese lalo mu lizina lya munalume ou, oloni kengeni evi vimunalingi! Munashandola laja vilongesa vyeni mu Yelusalema mwoshe, co mushaka lalo mutuwanese mulonga wa kutsa kwendi!”