Ndanyele 2:5 - Livulu lya Shukulu Kalunga

⁵ Co mwene wendekele kuli vakevo ngwendi, “Njayongola laja ngwange, nga kumunjileke njozi yange na muje muyinalumbunukila, co njikashika ngeci vamitetange vipuka-vipuka nakunyongesa vinjuvo vyeni.

Ndanyele 2:5 Iomraidhean Croise

2 Vimyene 10:27

Ngecivene, vanyongesele ije manda yakujela na njuvo ya kulemesela Mbale, co vatengulwile ije njuvo yakulemesela Mbale kuyipwisa mbushu kweta na ku litangwa lya lelo.

Ezela 6:11

Co lalo njinashiki ngeci woshe avyana lishiko eli, vashomone mukambo ku njuvo yendi, co vakamujundule nakumushukika. Ngeci njuvo yendi ipwe mutumbo wa lishito-shito.

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Myaso 58:7

Vanyonge ngwe muwakomu mema, vavatsene ngwe muvakalyatangela mwila wa mu ngila,

Ndanyele 2:12

Vacimanese vene kwendeka majwi awa, co mwene waluvalele manene, washikile ngeci vatsiye vaka-kunangula voshe va mu Mbambilone.

Ndanyele 3:29

“Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Ndanyele 4:9

Mbeletesezale, mukulunu wa vaka-mana, njazivuka ngwange, munzinzime wakujela wa vinjambi uli muli yove, uzivuka mahungu oshe. Co njileke muyinalumbunukila njozi yange eyi.

Kwituluka mu Mashiko 13:16

Ngecivene, mukakungulwila vivala vyavo vyoshe mukati ka nganda, co mukenyeka ije nganda na vyoshe vilimo kupwa n̄ombelo kuli Shukulu Kalunga Njambi yeni. Co ije nganda ikapwe ngundu ku myaka yoshe. Naumo wai akaitungulula lalo.

Yoshwa 6:26

A simbu ije Yoshwa walisingile cisingo ngwendi, “Munu woshe uje akatungulula nganda ya Yeliko akapwe wakusinga ku mesho a Shukulu Kalunga. Woshe uje akainda luvula, munendi wa ntwatwa akatsa, co woshe uje akatungulula vikolo, munendi wa mutinikila akatsa.”

1 Samwele 15:33

Samwele wendekele ngwendi, “Ngwe omo mukwale wove unalingisa vanakazi kujeneka kukala na vana, ngeci na vanyoko lalo kuvakakala na mwana.” Co wavatozwele Angange vipuka-vipuka kulutwe lwa mutula mu Ngilingale.