Ndanyele 2:45 - Livulu lya Shukulu Kalunga

⁴⁵ Co wamwene limanya lije lyatendukile kutunda ku munkinda kujeneka umo kulikwata, co likelyo lyavujwile kaje kamponya kakupanga na vutale, na vunengu, na vuma, na siliva, na ngolinde. Njambi uje wakama alinakukunangula yove shukulu vije vikalingiwa kulutwe. Mwa vushunga njinakulumbunwina mwamuvwa njozi yove, co njinakuleke muyinalumbunukila.”

Ndanyele 2:45 Iomraidhean Croise

Kushangumuka 41:26

Vaje vingombe va lwavo vakununa vatanu na vavali vanapu myaka itanu na ivali, co lalo ije mitwe itanu na ivali ya tiliku yakulongela mwamuvwa inapu myaka itanu na ivali, kununguluka kwavyo kunapu kumolika.

Kushangumuka 41:28

Ngwe omo njinakuleka vene, Njambi nakumwesa vyuma vije vyakalinga.

Kushangumuka 41:32

Co omo mwene naloto njozi luvali, eci cinanunguluka ngeci vin̄anda evi wavivwaesele laja Njambi ngeci ikeye akavipwisemo, vili muyehi nakulingiwa.

2 Samwele 7:22

Ngecivene, vukama vwove, yove Shukulu Kalunga wa Akamwa ya Vyoshe, vwalifwa neyajo? Kukwesi weka wakufwa ngwe yove waiko, simbu yoshe twazivuka ngeci yove lika wapwa u Njambi.

1 Mizimbu 16:25

Shukulu Kalunga wapwa wakama, co vanapande kumushangazala, ikeye lika vanapande kusingimika kuhyana vinjambi voshe.

Nehemiya 4:14

Njamwene ngeci vanu vakele na cishota-mbunge, ngecivene, njendekele kuli vakevo, na kuli vantwama vavo, na kuli vamyata ngwange, “Kesi muzivile lyova vitozi vetu. Anukeni ngeci Shukulu Kalunga wapwa wakama wakukomokesa, co lwileni vavushoko vweni, na vana veni, na vanakazi veni, na vinjuvo vyeni.”

Nehemiya 9:32

“Yove Njambi, Njambi yetu, yove wakama, muka-nzili! Muka-kukomokesa, muka-kunyunga cikumiiyo na cizemo cove cije kucesi kutenguluka. Kutunda a simbu ije omo vimyene va vaAsilya vatuyandesele, nakweta ku simbu ino, tuyando twoshe tuje tuli ali yetu, na vimyene vetu, na vantwama vetu, na vaka-kukombelela vetu, na vaka-kwimanena vetu, na vakukulwila vetu, na vanu vetu voshe, kesi twatundondo ku mesho ove.

Yombi 36:26

Kutwasa kuzivuka vukama vwendi, nambe kulava vungi vwa myaka yendi.

Myaso 135:5

Njazivuka ngwange Shukulu Kalunga ikeye wapwa wakama, wapwa wakama kuhyana vinjambi voshe.

Myaso 145:3

Shukulu Kalunga wapwa wakama, co vanapande kumushangazala manene, naumo wai asa kuzivuka vukama vwendi.

Myaso 2:9

Ukavapokola na mulamu wa cikuvo, nakuvasanyozola vimbazuvwila-mbazuvwila, ngwe vitambi vya ndeo ya vuma.’ ”

Myaso 48:1

Shukulu Kalunga ikeye wakama, vanapande kumushangazala manene, mu nganda ya Njambi yetu, a lilundu lyendi lyakujela.

Myaso 96:4

Shukulu Kalunga wapwa wakama, co vanapande kumushangazala, ikeye lika vanapande kusingimika kuhyana vinjambi voshe.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Ndanyele 2:24

Ngecivene, Ndanyele waile kuli Alyoke, uje yashikile mwene kutsiya vaka-mana. Co wendekele kuli ikeye ngwendi, “Kesi uvatsiye embwe. Njitwale kuli mwene ngeci njikamuleke njozi yendi na muje muyinalumbunukila.”

Ndanyele 2:28

Oloni kwali Njambi lika uje ali mwilu, uje asa kujombolola mahungu. Njozi iwalotele yapwile yakukunangula yove shukulu vyuma vije vikalingiwa kulutwe. Ngecivene, ololo njikuleka njozi yove, na cimona cije ciwamwene omo walalele.

Ndanyele 2:29

“Omo yove shukulu walalele, walotele vyuma vya kulutwe, co Njambi uje akajombolola mahungu, ikeye nakumwesele vije vikasholoka kulutwe.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Hangai 2:22

nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo.

Zakaliya 12:3

Oloni omo simbu ije iketa, Yelusalema njikaipwisa ngwe limanya lyakulema, muyati woshe wa vanu vaje vakeseka kulijundula vakavulumuka. Co miyati yoshe ya vanu va mu kaye vakalipandakana amo nakuyilwisa.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 21:24

Yesu wavakumbulwile ngwendi, “Nange lalo njimihula cihula cimo, co nga munjikumbululaco, asinoni nange lalo njikamileka kunjinawana moko yakulinga vyuma evi.

Mateo 24:35

Lilu na asi vikaita, oloni majwi ange kuwakaiti embwe.

Luka 17:20

VaFaliseo vamo vehwile Yesu ngwavo, “Simbu ikajo Vumwene vwa Njambi vukaija?” Wavakumbulwile ngwendi, “Vumwene vwa Njambi kuvwasa kwija mu ngila ije mwasa kuvumona embwe.

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

Kujombolola 1:19

Ngecivene, soneka vyuma vyoshe vije umona, vyoshe vyuma vije viliko ololo, na vyuma vije vikakalako kulutwe munima yevi.

Kujombolola 19:17

Asinoni njamwene kangelo wemanene a litangwa. Watambekele na lijwi lyakama ku tuzila voshe va a mukambwile ngwendi, “Ijeni mukunguluke amo ku ciwano cakama ca Njambi!

Kujombolola 4:1

Munima yevi njakele na cimona cikwavo, co njamwene cikolo cakushokoloka mwilu. Co lijwi lya cililimo lyakulifwa ngwe lupembo, lijwi lije njazivile lyendekele kuli yange akulivanga, lyendekele ngwalyo, “Ija kuno kwilu, co njikakumwesa vyuma vikasholoka munima yevi.”