Ndanyele 2:42 - Livulu lya Shukulu Kalunga

⁴² Co manasha aje apwile mutambela umo wa vutale mutambela ukwavo wa vuma cinalumbunuka ngeci mutambela umo wa vumwene ukapwa wa nzili, co mutambela ukwavo ukapwa wakuzeya.

Ndanyele 2:42 Iomraidhean Croise

Ndanyele 2:41

Co lalo wamwene ngeci mendi na manasha vyapwile mutambela umo wa vuma mutambela ukwavo wa vutale. Eci cinalumbunuka ngeci vukevwo vukapwa vumwene vwakulyangunuka. Eci cinalumbunuka ngeci mu vumwene ovu mukakala nzili ngwe ya vutale, omwo vuje vutale vwalikumbasanene na vuma.

Ndanyele 2:43

Co lalo wamwene ngeci vuje vutale vwalikumbasanene na vuma. Eci cinalumbunuka ngeci vaka-kushwana va vumwene vuje vakakolesa vumwene vwavo akulyambatela, oloni kuvakasa kupwa vumwene vumolika, omwo vutale kuvwasa kulikumbasana amo na vuma.

Ndanyele 7:24

Vije vimbinga likumi vinemanena vimyene likumi vaje vakashwana mu vumwene vuje. Asinoni mwene mukwavo akasholoka, ikeye akalyangunuka na vimyene vakulivanga, co ikeye akafungululao vimyene vatatu.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.