Ndanyele 2:39 - Livulu lya Shukulu Kalunga

³⁹ Munima yove lalo kukakala vumwene vweka, oloni kuvukapu lalo vwakama ngwe vwove embwe, co lalo munima yovu kukakala vumwene vwamucitatu vwa vunengu, vuje vukashwana kaye koshe.

Ndanyele 2:39 Iomraidhean Croise

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Ndanyele 10:20

Co wendekele kuli yange ngwendi, “Yove uzivuka omwo vikajo njinezila kuli yove? Njinaija mukusholola vije vivanasonekele mu Livulu lya Vushunga. Co ololo njilinakwiluka nakukalwa nzita na uje kangelo muka-kunyunga Pelesha.

Ndanyele 2:32

Mutwe wendi wapwile wa ngolinde yaivwa manene, co nulo yendi na mavoko endi vyapwile vya siliva, mbunda yendi na vinyonga vyendi vyapwile vya vunengu,

Ndanyele 2:38

Nakupwisa muka-kushwana vanu voshe va ano asi nakushwana tusitu voshe na tuzila. Yove unemanena mutwe wa ngolinde uje uwamwene mu njozi yove.

Ndanyele 2:40

Asinoni kukakala vumwene vwamuciwana, vukakala na nzili ngwe vutale vuje vukavujula nakutsena vyuma vyoshe. Ngwe vutale muvukavujula nakutsena vyuma vyoshe, co vukavujula nakutsena vumwene vwoshe vuje vwalivangele.

Ndanyele 7:23

Omu mukemwo muvanjilekele muyalumbunukilile ije njozi. “Cikashama wamuciwana nemanena vumwene vwamuciwana vuje vukakala ano asi, vukevwo vukalyangunuka na vumwene vukwavo vwoshe, vukalyatangela kaye koshe nakukatsena.

Ndanyele 8:20

“Lijamba lya manga uje iwamwene ali na vimbinga vivali nemanena vumwene vwa Mende na Pelesha.

Ndanyele 8:21

Uje membe nemanena vumwene vwa Ngelese, co ije mbinga ya akati ka mesho endi inemanena mwene wakulivanga.

Zakaliya 6:3

lyamucitatu valikokele tuvalu vakutoka, co lyamuciwana valikokele tuvalu vakuvenguluka.

Zakaliya 6:6

Co litemba lije livakokele tuvalu vakuzivala lyaile ku kunto ku Mbambilone, co tuvalu vakutoka vakengeselele mu kangombe ka yambi, co tuvalu vakuvenguluka vaile ku lifuti lya ku mbwela.