Ndanyele 2:37 - Livulu lya Shukulu Kalunga

³⁷ Yove shukulu, yove unapu uwakama ku vimyene voshe. Njambi wa mwilu nakupwisa mwene, co nakwana nzili, na kasingimiko.

Ndanyele 2:37 Iomraidhean Croise

1 Vimyene 4:24

Solomoni washwanene lifuti lyoshe lya mu kangombe ka yambi ku Yufuleti, kutunda ku Tifesa kutwala ku Yufuleti na kweta ku nganda ya Ngaza mu kangombe ka yambi. Co vimyene voshe va mu kangombe ka yambi ka ku Yufuleti vakele mwisi yendi, co ikeye wakele mu kwoloka na mafuti oshe aje amuzengelekele.

2 Vimyene 25:28

Evilemelondake wamuzivilile mema ku mbunge, co wamwanene mwela wakama wa kasingimiko kutuvakana myela ije yaanene kuli vimyene vakwavo vaje vakele navo mu vunzinda mu Mbambilone.

2 Mizimbu 36:23

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda. Ngecivene, ololo, yeni voshe vaje vanapu vanu va Njambi, yeniko, co Shukulu Kalunga Njambi yeni akale amo neni.”

Ezela 1:2

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda.

Ezela 7:12

“Yange Mwene Aletasheleshe njilinakusoneka mukanda ou kuli Ezela muka-kukombelela na muka-kulilongesa Mashiko a Njambi wa Mwilu.

Myaso 62:11

Visimbu vyavingi njinazivi Njambi endeka ngwendi, “Nzili yakundama kuli yange,

Visimo 8:15

Njikakwasa vimyene kushwana, na vaka-kushwana kutunga mashiko amavwa.

Isaya 10:8

Alishasha ngwendi, “Muka-kushika wange woshe napu mwene!

Isaya 47:5

Shukulu Kalunga nendeka ku Mbambilone ngwendi, “Tumbama kuluu mu lisusulungu, nalumo lwai lalo vakakutumbula vamwene wa mafuti!

Njelemiya 28:14

Shukulu Kalunga Muka-nzili yoshe, Njambi ya Isalele, nendeka ngwendi akaka mandauluwa ya cikuvo a mikoshi ya vanu voshe ngeci vapangele Mwene Nevukaneza wa Mbambilone. Shukulu Kalunga nendeka ngwendi nameme tusitu akavononwesa ngeci vapangele Nevukaneza.”

Njelemiya 34:1

Shukulu Kalunga wendekele kuli yange omo Mwene Nevukaneza wa Mbambilone na nzita yendi, na mbunga ya vanu vaje vamukwasele vakutunda ku miyati ya vanu voshe, na ku mafuti oshe aje ononokele kuli ikeye, valwisile Yelusalema na vinganda vyakwatako.

Ezekiyele 26:7

Shukulu Kalunga wa Akamwa ya Vyoshe nendeka ngwendi, “Njikashaka mwene wakama manene kutuvakana voshe, ikeye Mwene Nevukaneza wa ku Mbambilone mukulwisa Tile. Akaija kutundilila ku kunto na mahunzi a mbunga ya mashwalale na tuvalu na matemba na vaka-kulonda a tuvalu.

Ndanyele 1:2

Shukulu Kalunga watavele Nevukaneza ngeci afungulule Mwene Yehoyakime nakwambata vivala vimo vya mu Njuvo ya Shukulu Kalunga. Co omo Nevukaneza welukile ku Mbambilone, wakaakele vije vivala vyakafungulwile mu mulili wakutulikila wa mu njuvo ya njambi yendi.

Ndanyele 2:31

“Yove shukulu, mu cimona cove wamwene kulutwe lwove kunemana kamponya wakama wakuvyazima, co akumukenga azivisa lyova.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 4:19

Ngecivene, Ndanyele, uje vatumbwile lalo Mbeletesezale walikomokelele ngeci kasele kwendeka cuma cimo. Co mwene wendekele kuli ikeye ngwendi, “Mbeletesezale, kesi utave njozi eyi ikukomokese embwe.” Co Mbeletesezale wakumbulwile ngwendi, “Yove shukulu, nga citava njozi eyi na muje muyinalumbunukila inapande kukundama kuli vitozi vove kesi kuli yove.

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 4:3

“Vikomokeso vyakatumwesa Njambi vyapwa vyakama manene! Vizivukiso vyendi vyahyana nzili! Njambi wapwa wa ku myaka yoshe, ikeye akashwana visimbu vyoshe.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 5:18

“Njambi wa Akamwa ya Akamwa wapwisile isho Nevukaneza mwene wakama, co wamwanene vulemu na vukama.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Hoziya 8:10

Oloni ololo njikavakungulula nakuvanyanyamesa. Ololo vakalikotinga mukuvinjoka omo mwene wa Asilya akavayandesa.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Yowano 19:11

Yesu wakumbulwile ngwendi, “Yove uli na moko ali yange omwo Njambi nakwanayo. Ngecivene, munalume ou nanjinena kuli yove ali na mulonga wa vuvi vwakutuvakana.”

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”

Kujombolola 4:11

“Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”