Ndanyele 2:28 - Livulu lya Shukulu Kalunga

²⁸ Oloni kwali Njambi lika uje ali mwilu, uje asa kujombolola mahungu. Njozi iwalotele yapwile yakukunangula yove shukulu vyuma vije vikalingiwa kulutwe. Ngecivene, ololo njikuleka njozi yove, na cimona cije ciwamwene omo walalele.

Ndanyele 2:28 Iomraidhean Croise

Kushangumuka 40:8

Vamukumbulwile ngwavo, “Tunaloto oloni naumo wai asa kutunungulwila evi vinjozi.” Yosefa wavalekele ngwendi, “Njambi lika ikeye asa kunungulula vinjozi. Njilekeni vinjozi vyeni.”

Kushangumuka 41:16

Yosefa wakumbulwile mwene ngwendi, “Vulye shukulu, yange kunjasa kuyinungulula kuvanga Njambi ikeye akakunungulwilayo mwamuvwa.”

Kushangumuka 41:25

Asinoni Yosefa wendekele kuli mwene ngwendi, “Vinjozi evi vivali vinapu cuma cimolika. Njambi nakulekela cimweja vyuma vyakalinga.

Kushangumuka 49:1

Asinoni Yakomba wasanene vana vendi va vanalume wendekele kuli vakevo ngwendi, “Ijeni njimileke evi vikalingiwa ali yeni kulutwe.

Myaso 115:3

Njambi yetu ali mwilu, akalingi vyoshe vije ashaka.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Njelemiya 30:24

Vukalu vwa Shukulu Kalunga kuvukahu kuvanga noo namanesa kulinga vyuma vyoshe vije vyayongwele kulinga. Ku matangwa a kulutwe, vanu vendi vakazivisisa mwamuvwa vyuma evi.

Njelemiya 48:47

Oloni ku matangwa a kulutwe, Shukulu Kalunga akavwaesa lalo Mowavi. Vyoshe evi vyanendeka Shukulu Kalunga, vikalingiwa ku Mowavi.

Ezekiyele 28:3

Yove unayongola ngwove unapu u muka-mana kutuvakana Ndanele, nacimo cai cakushweka casa kukuvandela.

Ezekiyele 38:16

Ukalwisa vanu vange va Isalele ngwe kankumba kafwika lifuti. Omo simbu ikaija, njikakutuma ukakovelele lifuti lyange ngeci miyati vakanjizivuke, mukumwesa kujela kwange a vije vinjilinga muli yove.

Ezekiyele 38:8

Omo myaka yaingi ineti njikamushika kukovela mu lifuti muje muvelwisilile vanu kutunda ku miyati yaingi, kuje vakele nakuyoyelako kujeneka lyova lya nzita. Co akakovelela minkinda ya Isalele, ije yapwile vingundu ivasezele simbu yakama, oloni kuje ololo vanu voshe valinakukala mwamuvwa.

Ndanyele 1:20

Co mu vyuma vyoshe vya mana na vyakuzivisisa vije vyavehwile mwene, wavawanene ngeci vaje vakwenje vawana vakele na mana manene visimbu likumi kutuvakana vaka-kutaa nambe vaka-manseno va mu lifuti lyendi lyoshe.

Ndanyele 10:14

Yange njinaija ngeci uzivisise vije vikalingiwa kuli vanu vove kulutwe. Eci cikeco cimona ca vyuma vya kulutwe.”

Ndanyele 2:18

Co wavalekele ngeci valombele kuli Njambi wa mwilu ngeci avazivileko mema ku mbunge nakumwihula ngeci alumbunune lihungu lya njozi ya mwene kuli vakevo ngeci kesi vavatsiye amolika na vaka-mana voshe va mu Mbambilone.

Ndanyele 2:22

Akasholola vyuma vyakulova nevi vyakushwekesa, azivuka vije vyakuvanda mu lisusulungu, ceke camuzengeleka.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 2:45

Co wamwene limanya lije lyatendukile kutunda ku munkinda kujeneka umo kulikwata, co likelyo lyavujwile kaje kamponya kakupanga na vutale, na vunengu, na vuma, na siliva, na ngolinde. Njambi uje wakama alinakukunangula yove shukulu vije vikalingiwa kulutwe. Mwa vushunga njinakulumbunwina mwamuvwa njozi yove, co njinakuleke muyinalumbunukila.”

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 4:5

Oloni njalotele njozi ije yanjizivisile manene lyova, co njamwene vimona a simbu ije njalalele tulo.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Amose 4:13

Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Kulava 24:14

Co Mbalame wendekele kuli Mbalake ngwendi, “Ololo kenga njilinakwiluka kuli vavushoko vwange, oloni omo kanda njiye, njilinakukunangula vije vivakalinga vaIsalele kuli vanu vove kulutwe.”

Mateo 6:9

Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Kwituluka mu Mashiko 31:19

“Ngecivene, soneka ou mwaso. Ulongese vanu va Isalele, ngeci ukale mu vimbunge vyavo, upwe vukaleo vwange kuli vakevo.

Kwituluka mu Mashiko 4:30

Omo mukamona tuyando na vyoshe vije vikasholoka kuli yeni, asinoni akukotoka mukatengulukila kuli Shukulu Kalunga Njambi yeni nakumwononoka.

2 Timateo 3:1

Anuka ngwove kukakala kukaluwa a simbu ya matangwa akukotoka.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

2 Petulu 3:3

Akulivanga, munapande kuzivisia cuma eci, ngweni a matangwa akukotoka kukasholoka vanu vaje vakayoya yoyesi yakwenda mu mashungu avo amavi. Vakamishendumuna,

Kujombolola 1:1

Mu livulu eli vanasonekamo vyuma vije vyajombolwele Yesu Kilistu. Njambi wamwanene kujomboloka oku ngeci avisholole kuli vangamba va Njambi vije vikalingiwa vwasi-vwasi. Kilistu wajombolwele vyuma evi kuli ngamba yendi Yowano akutuma kangelo kendi kuli ikeye,