Ndanyele 2:21 - Livulu lya Shukulu Kalunga

²¹ Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 2:21 Iomraidhean Croise

1 Vimyene 10:24

Co vanu voshe va mu kaye vezile kuli ikeye nakutolilila ku mana endi aje amwanene Njambi.

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

1 Vimyene 4:29

Njambi waanene Solomoni mana nakuzivisisa nakuzivuka, mana aje apwile akama manene aje naumo wai wasele kuwesekesa.

1 Mizimbu 22:12

Shukulu Kalunga Njambi yove akwane kuzivisisa na mana, ngeci wase kushwana Isalele ngwe ku lishiko lyendi.

1 Mizimbu 29:30

Visoneka evi vikevyo vituleka vati washwanene, nzili mukajo yakele nayo na vyuma vyoshe vije vyalingiwile kuli ikeye na kuli Isalele na kuli vaje vazengelekele vumwene.

Esita 1:13

Co mwene wehwile vinguli vya mana kuli vaje vazivukile mashiko nakusompa, co wasanene vaka-kunangula vendi, vaje vazivukile mwakulingila.

Yombi 12:18

Ikeye akatundisa vimyene a matanda, nakuvapwisa vinzinda,

Kutuuka 31:3

co njinamushulisa na Munzinzime wange. Co njinamwana kuzivisisa na vutongwe, na kunanguka a cipangi coshe ca vutongwe,

Kutuuka 31:6

Co lalo njinaangula Oholyave muna Ahisamake, wa ku muyati wa Ndani, mukupanga amo nendi. Co lalo njinaana kunanguka kuli voshe vakwavo vaka-kupanga na vutongwe, ngeci vakevo vase kulinga vyuma vyoshe vije njinashiki ngeci vavilinge,

Ndanyele 1:17

Ngecivene, Njambi waanene vaje vakwenje vawana mana nakuzivisisa na vutongwe mu vilongesa vyavo. Co lalo waanene Ndanyele mana akulumbununa vimona na vinjozi.

Ndanyele 10:1

(Mu mwaka wamucitatu omo Siluse wapwile mwene wa Pelesha, co lijwi lyezile kuli Ndanyele uje ivatumbwile Mbeletesezale. Lijwi lije lyapwile lya vushunga oloni lyapwile lyalikalu kulizivisisa. Ngecivene, valilumbunwine kuli ikeye mu cimona.)

Ndanyele 11:6

Omo kuneti myaka imo, co mwene wa Ingito akalikwata vusamba na mwene wa ku Silya, co akamwana munendi ngeci amwambate. Oloni vusamba vuje kuvukeshwala embwe, co ikeye na munalume wendi na ishe na vangamba vendi vaje vaile navo voshe vakavatsiya.

Ndanyele 2:20

“Shangazaleni lizina lya Njambi ku myaka yoshe, omwo mana na nzili vyapwa vyendi.

Ndanyele 2:23

Njikushangazala nakukusingimika, yove Njambi ya vakukulwila vange. Yove unanjana mana na nzili, unakumbulula lilombelo lyange nakutuleka vije vitukaleka mwene.”

Ndanyele 2:9

nga kumunjileke eyi njozi. Mwalizivasana laja akati keni kunjikwisa noo njikatengulula viyongola vyange. Njilekeni njozi, co njikazivuka ngwange kuma mwasa kunjileka lalo muyinalumbunukila.”

Ndanyele 4:14

Watambekele kuli vakwavo ngwendi, ‘Shinjeni ou muti nakushaja minango yawo, co ukaluleni maputa, nakushandola vushuka vwawo. Shekeni tusitu mwisi yawo, co katuleni tuzila ku minango yawo.

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Loma 13:1

Munu woshe napande kwononoka kuli vaka-kushwana, omwo naumo wai ashika kuvanga Njambi namwangula, co vaka-kushwana vaje valiko Njambi ikeye navemika.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”