Ndanyele 2:12 - Livulu lya Shukulu Kalunga

¹² Vacimanese vene kwendeka majwi awa, co mwene waluvalele manene, washikile ngeci vatsiye vaka-kunangula voshe va mu Mbambilone.

Ndanyele 2:12 Iomraidhean Croise

Yombi 5:2

Ulinakulipesa yove vavenya kutsa na cishota-mbunge, cinapu ca vulema.

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Visimo 16:14

Munu wa mana avwaelelesa mwene, nga mwene aluvala, co munu umo atsa.

Visimo 19:12

Kuluvala kwa mwene kwafwa ngwe kwaana kwa ndumba, oloni cizemo cendi cafwa ngwe nyonzi ya musanda.

Visimo 20:2

Vukalu vwa mwene vunafu ngwe kwaana kwa ndumba, ou amushangumuna avulumuna mwonyo wendi.

Visimo 29:22

Vanu vaka-kuluvala-luvala vwasi, vakashangumuna lwozi na vimata.

Ndanyele 2:24

Ngecivene, Ndanyele waile kuli Alyoke, uje yashikile mwene kutsiya vaka-mana. Co wendekele kuli ikeye ngwendi, “Kesi uvatsiye embwe. Njitwale kuli mwene ngeci njikamuleke njozi yendi na muje muyinalumbunukila.”

Ndanyele 2:5

Co mwene wendekele kuli vakevo ngwendi, “Njayongola laja ngwange, nga kumunjileke njozi yange na muje muyinalumbunukila, co njikashika ngeci vamitetange vipuka-vipuka nakunyongesa vinjuvo vyeni.

Ndanyele 3:13

A simbu ije vene mwene waluvalele manene, washikile ngeci vaje vanalume vatatu vavanene kuli ikeye, co vavanenele.

Ndanyele 3:19

Co Nevukaneza waluvalele manene, cihanga cendi cafufutukile na vukalu ali Shandelaki, na Meshake, na Ambendenengo. Washikile vanu vendi ngeci vashambeye manene litende lya tuhya visimbu vitanu na vivali ngeci lishukume manene kutuvakana mulikashukuminamo visimbu vyoshe.

Ndanyele 5:19

Ikeye wapwile wakama manene ngeci vanu va mafuti oshe na miyati yoshe ya vanu na vaka-kwendeka mu vindaka vyeka vamutewele nakumuzivila lyova. Nga ashaka kutsiya munu, aje vene asa kumutsiya, nga ashaka kwamena munu, co aje vene asa kumwamena. Ikeye wasele kusingimika munu nambe kumupopolola.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.