Ndanyele 2:11 - Livulu lya Shukulu Kalunga

¹¹ Vije viwalombo yove shukulu vinapu vyavikalu manene vije naumo wai asa kuvilinga kuli yove kuvanga amo vinjambi, oloni vakevo kuvesi kukala akati ka vanu vaka-cisemwa ca ano asi.”

Ndanyele 2:11 Iomraidhean Croise

Kushangumuka 41:39

Co mwene wendekele kuli Yosefa ngwendi, “Omwo Njambi nakumwesa vyoshe evi, ngecivene, kukwesi weka ali na mana nakunyanyama kutuvakana yove.

Kushangumuka 41:8

Alikaki mutondo wendukile nakwombwa, ngeci wasanene vaka-manseno voshe na vanalume vaka-mana va mu Ingito. Wavalekele vinjozi vyendi, oloni naumo wai wamunungulwililevyo.

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

2 Mizimbu 6:18

“Oloni yove Njambi kumani wasa kukala asi akati ka vanalume na vanakazi ndi? Inonwa mwilu ya melu mwoshe kuwasa kufwamo, co vatijo Njuvo eyi njinakutungila ufwamo ndi?

Myaso 132:14

“Omu mukemwo munjikakala myaka yoshe, omu mukemwo munjishaka kushwana.

Myaso 68:18

Omo walondele a munkinda waulaja, waile na vinzinda vavangi, co watambwile vwana kuli vanu vaka-kutengulukila. Shukulu Kalunga Njambi akakala kuje.

Kutuuka 29:45

Asinoni njikakala akati ka vanu va Isalele, co njikapwa Njambi yavo.

Kutuuka 8:19

Co vaje vaka-manseno vendekele kuli mwene ngwavo, “Livoko lya Njambi linalingi eci!” Oloni mwene wacikaluwisile mbunge yendi, ngwe vene muje mwendekele Shukulu Kalunga, mwene katolililile kuli Mosesa na Alone.

Isaya 47:12

Manseno ove oshe na mikalo yove, vije viwapangesele tunde ku vukwenje vwove, amo vikakukwasa, nakuzivisa lyova vitozi vove.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 8:18

Yange uno, na vana vaje vananjana Shukulu Kalunga. Tunapu tu vimweso mu Isalele vyakutunda kuli Shukulu Kalunga Muka-nzili yoshe uje wakala a Munkinda wa Siyone.

Ndanyele 4:4

“Yange Nevukaneza, njakele mwamuvwa mu lipela lyange, njajolelele nakuvwaelela manene.

Ndanyele 5:11

Kwali munalume umo mu vumwene vwove ali na munzinzime wakujela wa vinjambi. Omo isho wapwile mwene, munalume ou washolwele mana amavwa nakuzivisisa na mana ngwe mana a vinjambi. Co isho Mwene Nevukaneza wamupwisile mukulunu wa vaka-kulukiya, na vaka-manseno, na valozi, na vimbanda.

Njwele 3:21

Njikalingilako sambandinga vaje vavatsiile, nakuhisa vaka-vuvi. Yange Kalunga, njikakala a Munkinda wa Siyone.”

Kulava 35:34

Kesi mukajwalese mu lifuti muje mumuli nakukala, omwo yange njapwa Kalunga, co njilinakukala akati ka vanu va Isalele.”

Mateo 19:26

Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 14:17

Ikeye Munzinzime wa vushunga, uje asholola vushunga vwa Njambi. Vaka-kaye kuvasa kumutambula, omwo kuvasa kumumona nambe kumuzivuka. Oloni yeni mumuzivuka, omwo wakala neni, co ali muli yeni.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.