Ndanyele 12:4 - Livulu lya Shukulu Kalunga

⁴ Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”

Ndanyele 12:4 Iomraidhean Croise

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 29:11

Kulumbunuka kwa vimona vyoshe vya vuka-kwimanena kunapu kwakushweka kuli yeni, kunapu ngwe livulu lyakushoka na kasateso. Nga ulitwala ku munu umo uje azivuka kulava nakumwihula ngwove lavamo, co ikeye ngwendi, “kunjasa kulilava omwo vanalishoko na kasateso.”

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 32:3

Asinoni mesho a vaje vamona kuwakatsitsivala, na matwi a vaje vaziva akatolilila.

Isaya 8:16

Yeni vandongisi vange, munapande kunyanyama nakunyunga majwi aje ananjana Njambi.

Njelemiya 5:1

Vanu va mu Yelusalema, itanganeni mu vitapalo vyeni! Kengezekeni noku-noku! Shakezekeni mu mitambela yakulandesela! Kengeni nga muwanamo munu umo muka-kulinga vya vushunga na kulongwa kuli Njambi. Nga mumuwana, co Shukulu Kalunga akasambesa Yelusalema.

Ndanyele 10:1

(Mu mwaka wamucitatu omo Siluse wapwile mwene wa Pelesha, co lijwi lyezile kuli Ndanyele uje ivatumbwile Mbeletesezale. Lijwi lije lyapwile lya vushunga oloni lyapwile lyalikalu kulizivisisa. Ngecivene, valilumbunwine kuli ikeye mu cimona.)

Ndanyele 10:14

Yange njinaija ngeci uzivisise vije vikalingiwa kuli vanu vove kulutwe. Eci cikeco cimona ca vyuma vya kulutwe.”

Ndanyele 10:21

Co munima yevi, kangelo muka-kunyunga wa ku Ngelese akasholoka. Co kukwesi weka akanjikwasa wai kuvanga Mingeli,

Ndanyele 11:33

Vantwama vaje vali na mana akati ka vanu vakalongesako mana avo vanu vavangi. Oloni mu kasimbu lika vamo vakavatsiila mu nzita nambe kuvenyeka, co vamo vakavevila nakuvapwisa vinzinda.

Ndanyele 11:40

“Omo simbu ya mamaneselelo ya mwene wa Silya iketa, mwene wa Ingito akamulwisa, co mwene wa Silya akamulwisa na nzili yendi yoshe, akapangesa matemba na tuvalu, na mato akama amangi. Akafungulula mafuti amangi ngwe mema a livazi.

Ndanyele 12:13

Co yove Ndanyele, kulaela na kumamaneselelo. Asinoni ukatsa, oloni ukasanguka ngeci ukatambule cikandelela cove a simbu yakukotoka kwa kaye.”

Ndanyele 12:5

Asinoni njamwene vanu vavali vanemana ku ndonga, umo ku ngenge ya ndonga sambwa lino, mukwavo ku ngenge ya ndonga sambwa lije.

Ndanyele 12:9

Co wanjikumbulwile ngwendi, “Ndanyele, ololo wasa kuya, omwo majwi awa unapande kuwanyunga nakuwashweka mu mbunge yove noo akukotoka.

Ndanyele 8:17

Co Ngambiliyele wezile nakwimana kuyehi nange, co njazivile manene lyova ngeci njawililile asi. Co ikeye wendekele kuli yange ngwendi, “Muna munu, zivisisa mwamuvwa mucalumbunukila cimona. Cimona eci cimwesa simbu omo kaye kakahwa.”

Ndanyele 8:19

wendekele ngwendi, “Njikumwesa muvukafwa vukalu vwa Njambi. Cimona eci cimwesa simbu yakukotoka.

Ndanyele 8:26

Cimona cakukombelela ca cingwezi na mutondo civanakulumbunwina cikapwa ca vushunga. Oloni unapande kucinyunga mu mbunge yove, omo kukaita myaka yaingi simbu kanda cipwe ca vushunga.”

Mateo 24:14

Co evi Vin̄anda Vyavivwa vya Vumwene vakavyambulula mu kaye mwoshe ngwe kupwa vukaleo ku miyati yoshe, co asinoni kukotoka kwa kaye kukaija.

Loma 10:18

Oloni njihula ngwange, mwa vushunga kuma kuvazivile lijwi ndi? Valizivile, omwo visoneka vyendeka ngwavyo, “Omo mutambi wa lijwi lyavo washandokelele mu kaye mwoshe, majwi avo etele na ku shongo ya asi oshe.”

Kujombolola 10:4

Vwasi-vwasi omo vikeyo vyendekele, aje vene njashakele kusoneka, oloni njazivile lijwi lyendeka kutunda mwilu ngwalyo, “Nyunga mu mbunge yove lika vije viinendeka evi vililimo vitanu na vivali, kesi uvisoneke!”

Kujombolola 22:10

Co wendekele kuli yange ngwendi, “Kesi upwise cisin̄iko majwi a vuka-kwimanena a mu livulu eli, omwo simbu ili muyehi omo vyuma vyoshe evi vikalingiwa.

Kujombolola 5:1

Co njamwene livulu lyakuzenga mu livoko lya cilyo lya uje watumbamene a litanda, lije livasoneka anja na mukati, co valishokele na tusateso tutanu na tuvali.