Ndanyele 12:3 - Livulu lya Shukulu Kalunga

³ Co vaje vantwama va mana vakavyazima na ceke ca lilu. Co vaje valongesele vanu vavangi kulinga vya vushunga vakavyazima ku myaka yoshe ngwe vingongonosi.”

Ndanyele 12:3 Iomraidhean Croise

Kutuuka 34:35

co vamwene cihanga cendi cakele nakuvyazima. Asinoni Mosesa walifwikile lalo lilesu ku cihanga cendi noo a simbu ikwavo wakovelele mu Mbalaka nakwendeka na Shukulu Kalunga.

Visimo 11:30

Yoya mu vushunga, co uwana mwonyo, oloni lwozi lutwala lika ku kutsa.

Visimo 3:35

Vaka-mana vakashwana kasingimiko, oloni vilema vakaziva shwamwa.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Muka-kwambulula 12:9

Oloni omwo Muka-kwambulula wapwile muka-mana, walongesele vanu vije vyazivukile. Ikeye walilongesele visimo, co welwile vushunga vwavyo.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Njelemiya 23:22

Nga vazivukile viyongola vyange vya mu vushweke, nga vambulwile majwi ange ku vanu vange nakuvatundisa ku vingila vyavo vya vuvi, na ku vilinga vyavo vya kupenga-penga.

Ndanyele 11:33

Vantwama vaje vali na mana akati ka vanu vakalongesako mana avo vanu vavangi. Oloni mu kasimbu lika vamo vakavatsiila mu nzita nambe kuvenyeka, co vamo vakavevila nakuvapwisa vinzinda.

Ndanyele 11:35

Vantwama vamo va mana vakavatsiya, oloni vutumbe ovu vunapu vwakujelesa vanu. Eci cikalingiwa noo akukotoka, simbu ije yanemika Njambi.

Ndanyele 12:10

Vanu vavangi vakavajelesa. Oloni vaje vaka-kupenga-penga kuvakazivisisa vyuma evi, anga vakalinga vene vuvi, kuvanga lika vaje vali na mana vakevo vakazivisisa.

Mateo 13:43

Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Yowano 4:36

Uje ateja valinakumufweta, co alinakukungulula vimbuto vya mwonyo wa myaka yoshe, ngecivene, muka-kukuna na muka-kuteja voshe vakavwaelela amolika.

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Vilinga vya Miluwa 13:1

Mu cikungulukilo ca ku Antyoke kwakele vamo vaka-kwimanena na valongisi, Mbanambase na Simyoni (uje vatumbwile ngwavo Wakuzivala), na Lusiyasi (uje watundile ku Silene) na Manaene, (uje uvalelelele amo na Nguvulu Helonde), na Saulu.

1 Kolinte 3:10

Akupangesa vwana vuje vwanjanene Njambi, njalingile vipangi vya muka-kutunga wa vutongwe nakujala luvula, co munu weka lalo alinakutungilao. Oloni munu na munu napande kunyanyama omo alinakutungila a luvula luje.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

VaHevelu 5:12

Ololo yeni, omwo simbu yakama ineti, mwapandele kupwa muvalongisi, oloni mucijeneka umo amilongese vilongesa vyakulivanga vya lijwi lya Njambi. Mwapandele kulya vyakulya vyakukola, oloni mucili nakunwa mavele.

2 Petulu 3:15

Kengeni ku lukakateya lwa Mwene yetu ngwe ku simbu yanamyana ngeci mukovoke, ngwe muje mwamisonekelele Paulu musamba wetu itwazema, mukupangesa mana aje amwanene Njambi.

Kujombolola 1:20

Eci cikeco kulumbunuka kwa cisin̄iko ca vingongonosi vitanu na vivali vije unamono mu livoko lyange lya cilyo, na vitumbikilo vya vindeya vya ngolinde vitanu na vivali, vingongonosi vitanu na vivali vinapu tungelo va vije vikungulukilo vitanu na vivali, co vitumbikilo vya vindeya vitanu na vivali vinapu vije vikungulukilo vitanu na vivali.”

Maako 5:31

Ngecivene, Shukulu Kalunga vitozi vove voshe vakatsa ngacije vene, oloni vaje vakuzema vakavyazima ngwe misha yakutuuka kwa litangwa! Co kwakele kwoloka mu lifuti myaka makumi awana.