Ndanyele 11:45 - Livulu lya Shukulu Kalunga

⁴⁵ Akashimbika vimbalaka vyendi vyakama vya vumwene mukati ka mema a kalunga na a munkinda aje ali Njuvo ya Shukulu Kalunga. Oloni akatsa, co naumo wai wakumukwasa akakalako.”

Ndanyele 11:45 Iomraidhean Croise

Myaso 48:2

Siyone munkinda wa Njambi, ukewo uli kulyala ku kunto, co lalo wauvwa, nganda ya mwene wakama inena kujolela mu kaye mwoshe!

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 14:13

Wakele na cizango cakuya mwilu nakwaka litanda lyove akamwa ya vingongonosi vya akamwa. Wayongwele ngwove ukatumbama ngwe mwene a munkinda wa ku kunto kuje kuvakalikungulwila vinjambi.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 65:25

Tungunga na vana va vimanga vakalya amo, vindumba na vingombe vakalya mwila, na manyoka vakalya livu. Kuvakashumu nambe kuvulumuna munu umo, a Siyone lilundu lyange lyakujela.”

Isaya 66:20

Vakelwisa vavushoko vweni vaje vali mu mafuti oshe ku lilundu lyange lyakujela mu Yelusalema a tuvalu, na vimulu, na tumelo, na mu matemba na mu makalu, cikafwa ngwe vaIsalele vanena mulambu wa vimbuto vya vinona ku Njuvo yange a malonga akujela.

Ezekiyele 39:2

Njikamutengulwila ku mutambela weka, nakumutwamenena kulyala kutunda ku kunto noo aketa ku minkinda ya Isalele.

Ndanyele 11:16

Oloni mwene wa Silya akalinga cizango cendi kuli vakevo, naumo wai akamuyeluwisa. Akemana mu Lifuti lya Cikulaeso, co lyoshe likapwa lyendi.

Ndanyele 11:41

Ikeye lalo akakovelela Lifuti lya Cikulaeso nakutsiya vanu vakupwa 100,000. Oloni mafuti a Endome na a Mowavi na vaje vakasalao kuli Amoni vakevo vakatewa.

Ndanyele 11:44

Asinoni muzimbu uje ukatunda mu ngangela na ku kunto ukamuzivisa lyova, co akalwa manene na nzili yoshe, co akatsiya vanu vavangi.

Ndanyele 2:35

A simbu imolika cije cikuvo, na vuma, na vunengu, na siliva, na ngolinde, vyoshe vyavujukile. Co vyapwile ngwe lijungu lya a lijungwilo lya tiliku a simbu yakumanesa kuteja vimbuto. Co lihunzi lyavipekumwine vyoshe, co naa avyakele ai. Oloni lije limanya lyapupile kamponya lyapwile munkinda wakama uje wafwikile kaye koshe.

Ndanyele 7:26

Asinoni mbanja ya mwilu ikatumbama nakusompa, co vakatundisa nzili yendi nakumunyongesa njwa.

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Ndanyele 9:20

Njakele nakulombela, nakulitavela vuvi vwange na vuvi vwa vanu vange va Isalele, nakulambelela kuli Shukulu Kalunga Njambi yange ngeci elwise Njuvo yendi yakujela.

Njwele 2:20

Yange njikatundisa vinjame vya vimbimba vaje vatundile ku kunto, njikashekela vamo mu mambo. Co njame yavo ya kulutwe njikaishekela ku Lishali lya Kutsa, co njame yavo ya munima njikaishekela ku Lishali lya Menditelenyani. Mivila yavo ya kutsa ikanika, njikavanyongesa omwo vyoshe vije vivalingile kuli yeni.

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Zakaliya 14:8

Omo litangwa lije likaija, mema akutonola njenje akatuuka kutunda mu Yelusalema, co litambelo lyawo limo likaya ku Lishali lya Kutsa, co litambelo likwavo lalo likaya ku Lishali lya Menditelenyani. Co akaita myaka yoshe, cisika na ndombo akakalako simbu yoshe.

Kulava 34:5

Co ikatengulukila lalo ku cana ku nginga ya Ingito, co ikahwila ku Lishali lya Menditelenyani.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

Kujombolola 20:2

Co wakwatele canza-ngombe, linyoka wa ku san̄ulu, ikeye Liyavola nambe Satana, co wamukutile malyenge myaka 1,000.

Kujombolola 20:9

Vashandokelele ano asi oshe, co vazengelekele cilombo ca vanu va Njambi na nganda ije yazema. Oloni tuhya twatundile mwilu, co twavanyongesele.