Ndanyele 11:36 - Livulu lya Shukulu Kalunga

³⁶ “Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 11:36 Iomraidhean Croise

Myaso 136:2

Kandeleleni kuli Njambi ya vinjambi, omwo cizemo cendi cije kucesi kutenguluka cakala ku myaka yoshe.

Myaso 33:10

Shukulu Kalunga anyongesa mana a vanu, ikeye atanganesa matumbe a vanu kuwapwisa angoco.

Visimo 19:21

Yetu vanu tukatumbu matumbe amangi, oloni Shukulu Kalunga lika ikeye alinga vije vyanayongola.

Isaya 10:23

Eyo, mu kaye koshe Shukulu Kalunga Muka-nzili yoshe wa Akamwa ya Vyoshe, akanena kunyonga ngwe mwendekele ngwendi akalingamo.

Isaya 10:25

Mu kasimbu kakandondo lika, njikalikela kumihisa, asinoni njikavanyongesa.

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 14:13

Wakele na cizango cakuya mwilu nakwaka litanda lyove akamwa ya vingongonosi vya akamwa. Wayongwele ngwove ukatumbama ngwe mwene a munkinda wa ku kunto kuje kuvakalikungulwila vinjambi.

Isaya 14:14

Wendekele ngwove ukalonda mwilu aje asikisila mashelwa, co ukapwa ngwe Muka-nzili yoshe.

Isaya 26:20

Vanu vange, koveleni mu vinjuvo vyeni, co lishokeyeyenimo. Vandeni kasimbu kakandondo lika, noo vukalu vwa Njambi vunahu.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Isaya 57:9

Mukavwava mazi amavwa akunika lwengo, co muya nakulemesa njambi Moleki. Muya nakushakezeka vinjambi ngeci muvalemese, mutuma tunganda noku-noku, nameme ku vukalo vwa vatsi.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 35:13

Njinazivi kulishasha na kulyalesa kuunendeka ali yange.”

Ndanyele 11:16

Oloni mwene wa Silya akalinga cizango cendi kuli vakevo, naumo wai akamuyeluwisa. Akemana mu Lifuti lya Cikulaeso, co lyoshe likapwa lyendi.

Ndanyele 11:3

“Asinoni mwene wa cingenyenye akasholoka. Ikeye akashwana vumwene vwoshe nakulinga cizango cendi.

Ndanyele 11:37

Mwene akayengula njambi uje ivalemesele vakukulwila vendi, co lalo akayengula njambi uje ivazema vanakazi. Mwa vushunga, akayengula njambi woshe-iwoshe, omwo akayongola ngwendi ikeye napu wakama kutuvakana njambi woshe-iwoshe.

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Ndanyele 5:19

Ikeye wapwile wakama manene ngeci vanu va mafuti oshe na miyati yoshe ya vanu na vaka-kwendeka mu vindaka vyeka vamutewele nakumuzivila lyova. Nga ashaka kutsiya munu, aje vene asa kumutsiya, nga ashaka kwamena munu, co aje vene asa kumwamena. Ikeye wasele kusingimika munu nambe kumupopolola.

Ndanyele 5:20

Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

Ndanyele 7:8

Omo njakele nakuyongola vije vimbinga, co njamwene kambinga kakandondo katuukile akati kavyo. Co kaje kambinga kavatozwele vije vimbinga vitatu vyalivangele. Co kambinga aka kakele na mesho ngwe a munu na kanwa kaje kendekele majwi akulishasha.

Ndanyele 8:19

wendekele ngwendi, “Njikumwesa muvukafwa vukalu vwa Njambi. Cimona eci cimwesa simbu yakukotoka.

Ndanyele 8:4

Co njamwene uje lijamba apikisa vimbinga vyendi mu kangombe ka yambi na ku kunto na mu mbwela. Naumo kasitu wai wasele kumuvindika nambe kuputumuka kuli ikeye. Ikeye walingile vyoshe vije vyashakele, co lalo walyalesele.

Zakaliya 11:16

Njinemika kanyungi mukunyunga vutanga vwange, oloni ikeye kakanyungu mwamuvwa vimanga vaje vashaka kutsa, nambe kushakezeka vaje vanazimbala, nambe kusaka vaje vanavulumuka, nambe kulisa vaje vanasalao. Oloni ikeye akali lika situ ya vaje vimanga vakununa nakuvatavozola lika vimbemba vyavo.

Yowano 5:30

“Kunjasa kulinga cuma cimo na moko yange vavenya, Njikasompa lika muje mwanjileka Njambi, ngecivene, kusompa kwange kunapu kwa vushunga, omwo kunjesi kulinga vije vinjishaka embwe, oloni kuvanga vije lika vyashaka uje wanjitumine.

Yowano 6:38

omwo njatundile mwilu kesi kulinga cizango cange embwe, oloni kulinga cizango ca uje wanjitumine.

Vilinga vya Miluwa 4:28

Valikungulwile nakulinga vyoshe vije viwashakele laja na nzili yove na cizango cove ngeci vikalingiwe.

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

2 Tesalonika 2:3

Kesi mutave umo amikwise mu ngila yeka lalo embwe. Omwo Litangwa lije kulikaija ngoco kuvanga noo Kutengulukila kwa mamaneselo kunaija na uje Muka-vuvi nasholoka, uje vemikila kuya ku Mbulu ya tuhya.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

Yoshwa 22:22

“Muka-nzili yoshe wapwa Njambi! Ikeye wapwa Shukulu Kalunga! Muka-nzili umolika ikeye Njambi! Ikeye Shukulu Kalunga! Ikeye nazivuka omwo vikajo tunalingi eci, co netu lalo tushaka yeni muzivuke eci! Nga yetu tunatengulukila Shukulu Kalunga nakujeneka kumwononoka, co kesi mututave tuyoye lelo embwe!

Kujombolola 10:7

Oloni omo uje kangelo wamucitanu na vavali akaimba lupembo lwendi, asinoni Njambi akasholola cisin̄iko ca vutumbe vwendi, ngwe muje mwambulwile kuli vangamba vendi vaka-kwimanena.”

Kujombolola 12:14

Co uje munakazi vamwanene mambava avali a ngonga wakama ngeci apulwile ku mutambela wendi mu mambo, kuje vakamulelela a myaka itatu na vingonde vitanu na imo mukumwamena ku vushonde vwa uje canza-ngombe.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 17:17

Omwo Njambi naaka mu vimbunge vyavo cizango cakulinga vutumbe vwendi, mukukala na mbunge imolika ngeci vaane uje cikashama nzili yakushwana noo majwi a Njambi anasholoka kupwa a vushunga.

Kujombolola 17:3

Njakele mu Munzinzime, co uje kangelo wanjitwalele mu mambo. Co kuje njamwene munakazi natumbama a cikashama wakuvenga a muvila wendi vasonekeleo mazina amangi akushaula Njambi, uje cikashama wakele na mitwe itanu na ivali na vimbinga likumi.