Ndanyele 11:31 - Livulu lya Shukulu Kalunga

³¹ Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 11:31 Iomraidhean Croise

Njelemiya 19:4

Njikalinga eci omo vanu vananjiseza, vanajwalesa mutambela ou akukombelelamo vin̄ombelo ku vinjambi veka, vinjambi vaje nambe vakevo, nambe vakukulwila vavo, nambe vimyene va mu Yunda kuvavazivukile. Vanashulisa mutambela ou na maninga a vanu vakujeneka mulonga,

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Mbimbi 2:7

Shukulu Kalunga wasezele mutula wendi, nakuseza lalo Njuvo yendi yakujela, ikeye watavele vitozi kusiwula vivumbe vyayo. Vitozi valingile muyoyo mu Njuvo ya Shukulu Kalunga, ngwe a litangwa lya ciwano.

Ezekiyele 9:7

Njambi wendekele kuli vakevo ngwendi, “Jwaleseni Njuvo yange. Shuliseni vipango na mivila ya vanu. Pangeni vipangi!” Ngecivene, vashangumukile kutsiya vanu vaje vakele mu nganda.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 8:24

Ikeye akakala na nzili yakama, oloni kesi nzili yendi vavenya embwe. Ikeye akaviisa manene vyuma mu ngila yakukomokesa, co akalinga vyuma vyoshe vyashaka. Ikeye akaviisa vanu vaka-nzili na vanu va Njambi.

Ndanyele 8:26

Cimona cakukombelela ca cingwezi na mutondo civanakulumbunwina cikapwa ca vushunga. Oloni unapande kucinyunga mu mbunge yove, omo kukaita myaka yaingi simbu kanda cipwe ca vushunga.”

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Mateo 24:15

“Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Mako 13:14

“Oloni mukamona cimweso ca Vunyengwe cinemana kuje kucapandele kukala.” (Yove ulinakulava zivisisa muvinalumbunukila!) “Asinoni vaje vali mu Yundeya vakatewele ku malundu.

Luka 21:20

“Omo mukamona Yelusalema vanaizengeleka ku mbunga ya mashwalale, zivukeni ngweni kunyonga kwayo kuli muyehi.

Kujombolola 17:12

“Vije vimbinga likumi wamwene vinapu vimyene likumi vaje kanda vashangumuke kushwana, oloni vakavana moko yakushwana ngwe vimyene amo na uje cikashama ola imolika.