Ndanyele 11:26 - Livulu lya Shukulu Kalunga

²⁶ Vaka-kumunangula vendi vakumwata vakevo vakamuviisa. Mashwalale vendi vavangi vakavatsiya, co mbunga yendi ya nzita vakayinyongesa.

Ndanyele 11:26 Iomraidhean Croise

2 Vimyene 8:14

Hazayele welukile kuli Mbenehandande, co wamwihwile ngwendi, “Vika nakendeka Elisha?” Hazayele wamukumbulwile ngwendi, “Ikeye nanjileka ngwendi, mwa vushunga vene ukenduka.”

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Ndanyele 11:10

“Vana va mwene wa Silya vakalivwaesela kulwa nzita, co vakakungulula mashwalale vavangi. Umo wavo na mashwalale vendi vakakovela mu lifuti ngwe livazi, co vakalwisa cimpaka ca vitozi vavo.

Ndanyele 11:22

Woshe akamuyeluwisa nameme vene Muka-kukombelela Wakama wa Njambi vakamunyongesa.

Ndanyele 11:40

“Omo simbu ya mamaneselelo ya mwene wa Silya iketa, mwene wa Ingito akamulwisa, co mwene wa Silya akamulwisa na nzili yendi yoshe, akapangesa matemba na tuvalu, na mato akama amangi. Akafungulula mafuti amangi ngwe mema a livazi.

Mateo 26:23

Yesu wavakumbulwile ngwendi, “Ou vene natanta amo nange mu lilonga omo tunakele nakulya, ikeye vene akanjenda vungungu.

Mako 14:20

Yesu wavakumbulwile ngwendi, “Umo waakati keni likumi na vavali, uje vene natanta amo nange mu lilonga omo tunakele nakulya.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’