Ndanyele 11:22 - Livulu lya Shukulu Kalunga

²² Woshe akamuyeluwisa nameme vene Muka-kukombelela Wakama wa Njambi vakamunyongesa.

Ndanyele 11:22 Iomraidhean Croise

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Ndanyele 11:10

“Vana va mwene wa Silya vakalivwaesela kulwa nzita, co vakakungulula mashwalale vavangi. Umo wavo na mashwalale vendi vakakovela mu lifuti ngwe livazi, co vakalwisa cimpaka ca vitozi vavo.

Ndanyele 11:23

Akulinga lizivasano, akanyanyamena miyati ya vakwavo, co akakala na nzili yakama manene, nameme vene akashwana lika muyati waundondo.

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Amose 8:8

Ngecivene, asi akajaja, co munu woshe ali mu lifuti akalinyenga. Lifuti lyoshe likajaja, likakatuka nakunyekumuka ngwe muyikalingi Ndonga ya Nailo.

Amose 9:5

Shukulu Kalunga wa Akamwa ya Vyoshe ikeye akwata asi oshe, co asi ajaja, co voshe valiho valinyenga na vusiwa. Kaye koshe kakajalela nakunyekumuka ngwe Ndonga ya Nailo.

Nahumi 1:8

Akanyongesa vitozi vendi njwa ngwe mulikajalela livazi, atwala ku kutsa vaje vamuyeluwisa.