Ndanyele 11:21 - Livulu lya Shukulu Kalunga

²¹ Co uje kangelo wakele nakulumbununa ngwendi, “Mwene wa Silya mukwavo akapwa mwene wamuvi uje kapwilemo mukupwa mwene, oloni akaija cishitumukila, co akakala na nzili na linyanyamena.

Ndanyele 11:21 Iomraidhean Croise

Myaso 12:8

Vaka-vuvi vali kwoshe-ikwoshe, co vanu voshe valinakushangala vyuma vije vyavivi.

Myaso 15:4

Uje ayengula vaje vavyana Njambi, oloni asingimika vaje vakomoka Shukulu Kalunga. Ikeye simbu yoshe akalingi vije vyanakulaesa, nameme vyuma vifwe vati indi vati kuli ikeye.

Myaso 55:21

Majwi endi apwile amavwa kutuvakana mavele akukonda, oloni mu mbunge yendi mwakele cizindo, majwi endi apwile amavwa kutuvakana mazi, oloni apwile akuvambuka ngwe vimoko vya mukwale.

Isaya 32:5

Kukwesi munu akayongola ngeci vilema vakavasingimika, nambe kwendeka ngeci vaka-muuka vakapwa vanu va kulongwa.

Ndanyele 11:20

“Co mwene mukwavo akashwana munima yendi, ikeye akatuma ntwama yendi wa mukulunu mukuyandesa vanu ngeci vafwete lisimu awezelele ku vufuko vwa mu vumwene vwendi. Mu simbu yaindondo lika, uje mwene vakamutsiya, oloni kesi citona-mesho nambe kesi mu nzita.”

Ndanyele 11:32

Mwene akapangesa makuli mukuwana nzili kuli vanu vaje vanaseza kulemesa kwavo, oloni vanu vaje vakakavangeya Njambi vakakala na nzili yakumuvyana.

Ndanyele 11:34

Simbu vacivatsiya, vanu va Njambi vakevo vakatambula vukwasi vumo, nameme vavangi vakalipandakana navo kulingamo omwo cipululu lika.

Ndanyele 11:7

Oloni umo wa ku naanga yendi akapwa mwene. Akalwa nzita na mwene wa Silya, co akakovela mu vimpaka vyavo nakuvafungulula.

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 7:8

Omo njakele nakuyongola vije vimbinga, co njamwene kambinga kakandondo katuukile akati kavyo. Co kaje kambinga kavatozwele vije vimbinga vitatu vyalivangele. Co kambinga aka kakele na mesho ngwe a munu na kanwa kaje kendekele majwi akulishasha.

Ndanyele 8:23

“Omo vuje vumwene vuwana vukahwa, co vukapwa vwavuvi ngeci vavunyanyamese, co kukakala mwene wa mbunge yakukaluwa na muuka na makuli.

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Ndanyele 8:9

Akati ka vimbinga evi viwana amenene mbinga imo yaindondo. Yapwile yailaja, yetele mu mbwela na mu ngangela na ku Lifuti lya Cikulaeso.

Nahumi 1:14

Evi vikevyo vyanashiki Shukulu Kalunga ali vaAsilya ngwendi, “Kuvakakala na vatekulwila vakutwala kulutwe lizina lyavo. Co njikanyongesa tumponya tuje tuli mu vinjuvo vya vinjambi vavo. Njilinakuvwaesa mbumbo ya vaAsilya, kuvapandele kuyoya!”

1 Samwele 3:13

Njinamuleke ngeci njikanyanyamesa naanga yendi myaka yoshe, a vuvi vuje vwazivukile, omwo vana vendi vakele nakunjishaula, oloni ikeye kavavindikile.