Ndanyele 11:2 - Livulu lya Shukulu Kalunga

² Co evi vinjikuleka yange ololo vinapu vya vushunga.” Kangelo wendekele ngwendi, “Vimyene vatatu vakashwana Pelesha, co kukakala lalo wamuciwana, ikeye akafuka manene kutuvakana vakwavo voshe. Omo nawana nzili a vufuko vwendi, co akafungulula vumwene vwa Ngelese.

Ndanyele 11:2 Iomraidhean Croise

Ezela 4:24

Co vipangi vya Njuvo ya Shukulu Kalunga vyemanene noo mu mwaka wamucivali wakushwana kwa Ndalyuse mwene wa Pelesha.

Ezela 4:7

Co lalo omo Mwene Aletasheleshe wa ku Pelesha washwanene, Mbeshelame, na Mitelendate, na Tambele, na vimbunga vyavo vasonekele mukanda kuli mwene. Co uje mukanda vausonekele mu ciAlamaike, vaunungulwile omo vaulavelele.

Esita 1:1

Eci calingiwile a matangwa a Sheleshe, uje vene washwanene mafuti akupwa 127, kutunda ku Indiya nakweta ku Sundane.

Visimo 22:21

nakukulongesa muvwafwa vushunga. Omo vakutuma kukashakezeka vushunga, co ukanena kukumbulula kwakuvwa.

Ndanyele 10:1

(Mu mwaka wamucitatu omo Siluse wapwile mwene wa Pelesha, co lijwi lyezile kuli Ndanyele uje ivatumbwile Mbeletesezale. Lijwi lije lyapwile lya vushunga oloni lyapwile lyalikalu kulizivisisa. Ngecivene, valilumbunwine kuli ikeye mu cimona.)

Ndanyele 11:25

“Co akashangumuna nzita yakama yakulwisa mwene wa Ingito, co nendi lalo akalivwaesela cimweja kulwa nendi nzita yakama na mashwalale vavangi. Oloni mwene wa Ingito vakamunyanyamena, co nendi kakasa kulinga vimo.

Ndanyele 7:5

Co njamwene cikashama mukwavo wamucivali wakulifwa ngwe mbeya wemanene a mendi endi. Washumine vimati vitatu mu kanwa kendi, co vamulekele ngwavo, “Katuka, lya situ yaingi!”

Ndanyele 8:21

Uje membe nemanena vumwene vwa Ngelese, co ije mbinga ya akati ka mesho endi inemanena mwene wakulivanga.

Ndanyele 8:26

Cimona cakukombelela ca cingwezi na mutondo civanakulumbunwina cikapwa ca vushunga. Oloni unapande kucinyunga mu mbunge yove, omo kukaita myaka yaingi simbu kanda cipwe ca vushunga.”

Ndanyele 8:4

Co njamwene uje lijamba apikisa vimbinga vyendi mu kangombe ka yambi na ku kunto na mu mbwela. Naumo kasitu wai wasele kumuvindika nambe kuputumuka kuli ikeye. Ikeye walingile vyoshe vije vyashakele, co lalo walyalesele.

Amose 3:7

Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.

Yowano 10:35

Tunazivuka ngeci visoneka vinendeka vushunga ku myaka yoshe, co Njambi watumbwile vaje vanu vinjambi, vanu vaje vaanene majwi endi.

Kujombolola 21:5

Co uje watumbamene a litanda wendekele ngwendi, “Ololo njikalinga vyuma vyoshe vipwe yaviha!” Ikeye wendekele lalo kuli yange ngwendi, “Soneka evi, omwo majwi awa anapu a vushunga, vasa kuwakulaela.”