Ndanyele 11:17 - Livulu lya Shukulu Kalunga

¹⁷ “Mwene wa Silya akayongola kwija na mashwalale vendi voshe. Co mukuyongola kunyongesa vumwene vwa citozi cendi, akalikwata nendi vusamba, nakumwana munendi ngeci amwambate, oloni viyongola vyendi kuvikahyana embwe.

Ndanyele 11:17 Iomraidhean Croise

2 Vimyene 12:17

A simbu ije Mwene Hazayele wa ku Silya walwisile nganda ya Ngate nakuyifungulula, asinoni wayongwele kukalwisa Yelusalema.

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

Myaso 56:9

Litangwa lije njikatambeka kuli yove, vitozi vange vakeluka munima, omwo njazivuka ngeci Njambi ali amo nange!

Visimo 19:21

Yetu vanu tukatumbu matumbe amangi, oloni Shukulu Kalunga lika ikeye alinga vije vyanayongola.

Ezekiyele 17:17

Nameme mbunga ya mashwalale va nzili va mwene wa Ingito kuvakasa kumukwasa kulwa omo vaMbambilone vakalinga mikinya ya livu nakwinda vingunja ngeci vatsiye vanu vavangi.

Ezekiyele 25:2

“Muna munu, ololo ambulula vuka-kwimanena ku lifuti lya Amoni.

Ezekiyele 4:3

Nona cikango ca cikuvo citumbike ngwe civumbe mukati kove na nganda. Kenga ku nganda. Nganda valinakuyilwisa, yove ulinakuyilwisa. Eci cikapwa cimweso ku muyati wa Isalele.

Ezekiyele 4:7

“Kenga mesho ove ku Yelusalema ivanazengeleka. Co linga n̄ome livoko lyove nakwambulula vuka-kwimanena vwakulwisa nganda eyi.

Ndanyele 11:19

Co mwene akeluka ku vimpaka vya mu lifuti lyendi, oloni vakamufungulula, co oku kukapwa mamaneselelo endi.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Hambakuke 1:9

“Omo mbunga ya mashwalale va vaMbambilone vaya kulutwe mukulwa, co vapangesa nzili na muuka mukufungulula munu woshe. Omo vashwenya kuyehi, munu woshe-iwoshe alijajela na lyova. Co vambata vinzinda vavangi manene vaje naumo wai asa kuvalava.

Mateo 12:30

“Woshe uje kesi amo nange, mwa vushunga vene ikeye muka-n̄ole yange, woshe uje kakungulula amo nange, mwa vushunga vene ikeye ashandola.

Luka 11:23

“Woshe uje kesi amo nange, mwa vushunga ikeye muka-n̄ole yange, woshe uje kakungulula amo nange, mwa vushunga vene ikeye ashandola.

Luka 9:51

Omo matangwa ashwenyele kuyehi ngeci Yesu vamutwale mwilu, watengulwile viyongola vyendi, co waile ku Yelusalema.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?