Ndanyele 10:19 - Livulu lya Shukulu Kalunga

¹⁹ Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Ndanyele 10:19 Iomraidhean Croise

Myaso 138:3

Omo njalombelele kuli yove, co wanjikumbulwile, wanjitakamesele lalo na nzili yove.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Ndanyele 10:18

Co wanjikwatele lalo, asinoni njakele na nzili.

Ndanyele 9:23

Omo washangumukile kulambelela kuli Njambi, ikeye wakukumbulwile. Ikeye wakuzema, ngeci njinaija mukukuleka mucinalumbunukila cihula cove. Ololo tolilila mwamuvwa omo njikulumbunwina cimona eci.

Hangai 2:4

Oloni ololo kesi muzeye yeni voshe, pangeni vipangi, yange njili amo neni.

Zakaliya 8:13

Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

Zakaliya 8:9

“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange.

Yowano 11:3

Ngecivene, vandokazi va Lazalu vatumine lijwi kuli Yesu ngwavo, “Mwene, uje musamba wove iwazema alinakuvinja.”

Yowano 11:36

Vanu vendekele ngwavo, “Kengeni muje mwamuzemene!”

Yowano 11:5

Yesu wazemene Mata na ndokazi yendi Maliya na Lazalu.

Yowano 14:27

“Kwoloka njimisezela, kwoloka kwange njilinakumyana. Kesi ngwe muvakana muje vaka-kaye. Kesi mulishoshomwene mu vimbunge vyeni, nameme kesi muzive lyova.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 19:26

Yesu wamwene vaina na uje ndongisi yazemene manene vanemana kuje, ngecivene, wendekele kuli vaina ngwendi, “Ove munakazi kenga munove ou.”

Yowano 21:20

Petulu watengulukile wakengele munima yendi wamwene ndongisi mukwavo, uje yazemene Yesu, uje wajendamenene ali Yesu a simbu yakulya, co wamwihwile ngwendi, “Mwene, iyajo akakwenda vungungu?”

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

2 Kolinte 12:9

Co ikeye wanjikumbulwile ngwendi, “Kutetela kwange kunapumo ku vyoshe, omwo nzili yange yapwa yakukomokesa omo unazeye.” Ngecivene, njilinakuvwaelela manene a vyuma vyakuzeya vyoshe-ivyoshe nakujolela akunyunga kwa Kilistu na nzili eyi ili ali yange.

Efeso 6:10

Akukotoka, koleseniko muli Mwene na mu nzili ya vukama vwendi.

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Maako 6:23

Oloni Shukulu Kalunga wamulekele ngwendi, “Kesi uzive lyova, kwoloka kukale nove, kuutsi embwe.”