Ndanyele 10:1 - Livulu lya Shukulu Kalunga

¹ (Mu mwaka wamucitatu omo Siluse wapwile mwene wa Pelesha, co lijwi lyezile kuli Ndanyele uje ivatumbwile Mbeletesezale. Lijwi lije lyapwile lya vushunga oloni lyapwile lyalikalu kulizivisisa. Ngecivene, valilumbunwine kuli ikeye mu cimona.)

Ndanyele 10:1 Iomraidhean Croise

Kushangumuka 41:32

Co omo mwene naloto njozi luvali, eci cinanunguluka ngeci vin̄anda evi wavivwaesele laja Njambi ngeci ikeye akavipwisemo, vili muyehi nakulingiwa.

2 Mizimbu 36:22

Mu mwaka wakulivanga omo Siluse wapwile mwene wa Pelesha, Shukulu Kalunga walingisile vije vyendekele muli Njelemiya muka-kwimanena ngeci vipwe vya vushunga. Shukulu Kalunga walingisile Mwene Siluse kusoneka lishiko nakulituma ngeci valilave nakulitambeka kwoshe-ikwoshe mu vumwene vwendi ngwavo,

Ezela 3:7

Vanu vecele vimbongo vyakufweta vaka-kushonga mamanya, na vaka-kushonga, co vaanene vyakulya, na vyakunwa, na mazi a olive kuli vanu va ku Tile, na Sindone, nakulandakana na miti ya kendale ya ku Lembanone, ngeci vavinene na mema a kalunga ku Yopa. Vyoshe evi vavilingile na lisesa lya kuli mwene Siluse wa Pelesha.

Ezela 4:3

Oloni Zelumbambele, na Yoshwa, na vakulunu va vikota vavalekele ngwavo, “Kutushaka ngeci mutukwase kutunga Njuvo ya Shukulu Kalunga, Njambi yetu. Tukaitunga yetu vavenya, ngwe mwatushikile Siluse mwene wa Pelesha.”

Ezela 4:5

Co lalo vaanene lizika-kanwa kuli vamyata va vaka-kushwana va Pelesha ngeci vavavindike. Co vakele nakulinga ngacije a simbu yakushwana kwa Siluse na a simbu yakushwana kwa Ndalyuse.

Ezela 6:14

Co vantwama va vaYunda valingile mwamuvwa akutunga Njuvo ya Shukulu Kalunga, co Hangai na Zekaliya vaka-kwimanena vavatakamesele. Co vamanesele Njuvo ya Shukulu Kalunga ngwe mwavashikile Njambi ya Isalele, na Siluse, na Ndalyuse, na Aletasheleshe, vimyene va Pelesha.

Ezela 6:3

“Mu mwaka wakulivanga wa kushwana kwendi, mwene Siluse washikile ngeci Njuvo ya Shukulu Kalunga mu Yelusalema vaitungulule kupwa mwela kuje vakakombelela nakwenyekela vin̄ombelo. Co Njuvo ya Shukulu Kalunga ikapwe mamita makumi avali na atanu na avali mu vulaja vwa akamwa, na mamita makumi avali na atanu na avali mu vwihi.

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Ndanyele 1:17

Ngecivene, Njambi waanene vaje vakwenje vawana mana nakuzivisisa na vutongwe mu vilongesa vyavo. Co lalo waanene Ndanyele mana akulumbununa vimona na vinjozi.

Ndanyele 1:21

Co Ndanyele wakele mu mbanja ya vumwene noo Siluse mwene wa Pelesha wafungulwile Mbambilone.

Ndanyele 1:7

Co uje mwata wa mukulunu wavalukile mazina amaha a vaMbambilone. Ndanyele wamulukile Mbeletesezale, Hananiya wamulukile Shandelaki, co Mishaele wamulukile Meshake, co Azaliya wamulukile Ambendenengo.

Ndanyele 10:14

Yange njinaija ngeci uzivisise vije vikalingiwa kuli vanu vove kulutwe. Eci cikeco cimona ca vyuma vya kulutwe.”

Ndanyele 11:2

Co evi vinjikuleka yange ololo vinapu vya vushunga.” Kangelo wendekele ngwendi, “Vimyene vatatu vakashwana Pelesha, co kukakala lalo wamuciwana, ikeye akafuka manene kutuvakana vakwavo voshe. Omo nawana nzili a vufuko vwendi, co akafungulula vumwene vwa Ngelese.

Ndanyele 12:4

Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”

Ndanyele 12:9

Co wanjikumbulwile ngwendi, “Ndanyele, ololo wasa kuya, omwo majwi awa unapande kuwanyunga nakuwashweka mu mbunge yove noo akukotoka.

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 4:8

Asinoni Ndanyele wezile (lizina lyendi likwavo Mbeletesezale, lizina lya njambi yange.) Munzinzime wakujela wa vinjambi wakala muli ikeye, ngeci njamulekele njozi yange ngwange,

Ndanyele 5:12

Ikeye simbu yoshe wakala na mana, nakunyanyama, na vutongwe mukulumbununa vinjozi, nakulumbununa tusau, nakulumbununa mahungu, ngecivene, tuma munu akasane ou munalume Ndanyele uje valukile lizina kuli mwene lya Mbeletesezale, co akukuleka muvinalumbunukila vije visoneka vyasholokele.”

Ndanyele 5:17

Co Ndanyele wamukumbulwile ngwendi, “Kunjishaka kutambula vwana vwove. Nga ushaka, vwane kuli munu weka. Oloni yange njikakulavela yove shukulu vije vivanasoneka nakukulumbunwinavyo.

Ndanyele 6:28

Co Ndanyele wavezikile a simbu yashwanene Ndalyuse na a simbu yashwanene Siluse kaPelesha.

Ndanyele 8:16

Njazivile lijwi lya munu lyatambekele akamwa ya mema ku Ndonga ya Ulai ngwalyo, “Ngambiliyele, mulumbunwine cimona cije camwene.”

Ndanyele 8:26

Cimona cakukombelela ca cingwezi na mutondo civanakulumbunwina cikapwa ca vushunga. Oloni unapande kucinyunga mu mbunge yove, omo kukaita myaka yaingi simbu kanda cipwe ca vushunga.”

Luka 1:20

Oloni yove kuwakulaelele majwi ange, aje akapwa a vushunga omwo simbu yawo iketa. Omwo kuwakulaelele, ukapwa u kaveveve, ukoloka kuluu noo litangwa lije cikulaeso cange kuli yove cikapwa ca vushunga.”

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”