Ndanyele 1:4 - Livulu lya Shukulu Kalunga

⁴ Vakevo vanapande kupwa vavavwa akuvakenga, vakunyanyama, vaje vavalongesa mwamuvwa, vaka-mana mukulilongesa, vakujeneka kapenga ngeci vakapange mu lipela lya mwene. Co Ashepenaze avalongese kulava nakusoneka ndaka ya vaMbambilone.

Ndanyele 1:4 Iomraidhean Croise

Kushangumuka 41:46

Yosefa wakele na myaka makumi atatu omo washangumukile kupangela mwene wa Ingito. Watuukile mu lipela lya mwene, co waile nakwitangana mu lifuti lyoshe lya Ingito.

2 Samwele 14:25

Mu Isalele mwoshe kumwakele wakutsimana manene na vuvwa ngwe Avisalome, ikeye kakele nakapenga nakamo kai kutunda ku mutwe kweta na ku mendi.

Visimo 22:29

Nga upanga vipangi vyove mwamuvwa, co ukapangela vimyene, kuukapangela vanu vangoco embwe.

Muka-kwambulula 7:19

Mana aana nzili kuli munu muka-mana, co natuvakana vaka-kushwana likumi va mu nganda.

Isaya 36:11

Ngecivene, Elyakime, na Shevana, na Yowahe valekele uje mwata ngwavo, “Endeka netu mu ndaka ya Alamaike tuziveko, kesi wendeke mu ciHevelu, omwo vanu voshe vali a civumbe valinakutolilila.”

Njelemiya 5:15

Vanu va mu Isalele, Shukulu Kalunga akanena muyati wa kulyala mukumilwisa, muyati wa ku san̄ulu wa nzili, uje ndaka yawo kumuyizivuka.

Ndanyele 2:10

Co vaje vaka-kunangula vendekele ngwavo, “Kukwesi munu umo ano asi uje asa kukuleka yove shukulu vije viwushaka kuzivuka. Kukwesi mwene nambe muka-vulemu wa nzili yakama walombele cuma cangacije kuli vaka-kutaa vendi, na vaka-manseno, na valozi.

Ndanyele 2:2

Ngecivene, washikile ngeci vakasane vaka-kulukiya, na vaka-manseno, na vimbanda, na valozi ngeci vakumulumbunwine njozi yendi. Omo vezile nakwimana ku mesho a mwene,

Ndanyele 3:8

Co vamo vaMbambilone vawanene vukovelelo vwakutengulukila vaYunda.

Ndanyele 4:7

Co voshe vaka-kutaa na vaka-manseno na valozi, na vaka-kulukiya vezile, co njavalekele njozi yange, oloni kuvasele kunjilumbunwinayo.

Ndanyele 5:11

Kwali munalume umo mu vumwene vwove ali na munzinzime wakujela wa vinjambi. Omo isho wapwile mwene, munalume ou washolwele mana amavwa nakuzivisisa na mana ngwe mana a vinjambi. Co isho Mwene Nevukaneza wamupwisile mukulunu wa vaka-kulukiya, na vaka-manseno, na valozi, na vimbanda.

Ndanyele 5:7

Co mwene watambekele na lijwi lyakama ngeci vanene vaka-manseno na valozi na vaka-kulukiya. Omo vezile kuli ikeye, co mwene wavalekele ngwendi, “Woshe uje alava evi vanasoneka aa nakunjilumbunwinavyo, co vakamuzika cikoveyo ca linyu cacilaja ca vumwene, co akazala lalo lilyenge lya ngolinde lya kasingimiko mu mukoshi wendi, co akapwa wamucitatu mukushika mu vumwene vwange.”

Ndanyele 9:1

Ndalyuse kaMende wapwile muna Sheleshe, co washwanene mu vumwene vwa Mbambilone.

Zakaliya 2:4

Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

Vilinga vya Miluwa 7:20

A simbu eyi vene Mosesa wasemukile, wapwile mwanike wamuvwa manene. Co vamulelele mu njuvo vingonde vitatu,

Vilinga vya Miluwa 7:22

Co vamulongesele mana oshe a vaka-Ingito, co wapwile munalume wakama mukwendeka kwendi na mu vilinga.

Efeso 5:27

ngeci akemike cikungulukilo ku mesho endi mu vuvwa vwaco vwoshe, cakujela nakujeneka mulonga, nambe kapenga kamo, nambe ka mucinya nambe ka cuma keka kakucijwalesa.

Maako 8:18

Asinoni Ngilyone wehwile Zeva na Zalumuna ngwendi, “Vanalume va cifwa mukajo vaje mwatsiile ku Tavole?” Co vamukumbulwile ngwavo, “Vafwile ngwe yove, umo na umo woshe walifwile ngwe muna mwene.”