Nahumi 3:9 - Livulu lya Shukulu Kalunga

⁹ Washwanene lifuti lya Sundane na Ingito, kukwesi na aje ahwililile nzili yendi, Limbiya wapwile muka-kumukwasa.

Nahumi 3:9 Iomraidhean Croise

Kushangumuka 10:6

Vana va Hama va vanalume mazina avo, Kushe, na Ingito, na Limbiya, na Kanana. Vakevo vapwile vakukulwila va vanu vaje valilukile mazina avo.

1 Mizimbu 1:8

Vana va Hama vapwile, Kushe, na Ingito, na Limbiya, na Kanana. Ava vakevo vapwile vakukulwila va vanu vaje valilukile mazina avo.

2 Mizimbu 12:3

Co wakele na matemba 1,200, na vaka-kulonda a tuvalu vakupwa 6,000, co mashwalale vapwile vavangi naumo wai wasele kuvalava, amo na vaLimbiya na vaSuki, na mashwalale va vaSundane.

2 Mizimbu 16:8

Kuma vaSundane na vaLimbiya kuvakele na mashwalale vavangi na matemba amangi manene na vaka-kulonda a tuvalu ndi? Oloni omwo wakulaelele kuli Shukulu Kalunga, co wakuhyanesele.

Isaya 20:5

Vaje vakulaelele Sundane nakulishashela Ingito vakapwa vaka-kupaya, cinyangavili cavo cikahwa.

Njelemiya 46:9

Shikeni tuvalu vaye, na matemba vaakoke! Co tumeni mashwalale, vanalume vakutunda ku Sundane na ku Limbiya, vambate vintelo, na vanalume vaka-vutongwe vwa mata a lusipa vakutunda ku Lindiya.”

Ezekiyele 27:10

“Vanu vatundile ku Pelesha na ku Lindiya na ku Limbiya vapwile mashwalale vove. Vashukikile vintelo vyavo na vitepa vyavo a vivumbe vyove. Omo vahyanene, co yove wazivile kuvwaa.

Ezekiyele 29:7

Omo vajendamenene ali yove, co yove wapokokele, wapokwele vitsili vyavo, co myongo yavo yapokokele.

Ezekiyele 30:5

“Nzita ije ikatsiya lalo na mashwalale vakukumuna vakutunda ku Sundane na ku Lindiya na ku Limbiya na ku Alambiya na ku Kuvu nambe vanu vaje va akati ka vanu vange vene.”

Ezekiyele 31:2

“Muna munu, endeka kuli mwene wa Ingito na kuli vanu vendi ngwove, ‘Iyajo alyeseka nove! Njasa kukweseka na vikajo?

Ezekiyele 38:5

Vanalume vakutunda ku Pelesha, na Sundane, na Limbiya vali amo nendi, co voshe vali na vintelo na vitepa.

Ndanyele 11:43

Co akambata vufuko vuvashwekele mu Ingito vwa ngolinde na siliva na vufuko vweka vwa seo vwa mu Ingito. Akahyana lifuti lya Limbiya na Sundane.