Nahumi 3:16 - Livulu lya Shukulu Kalunga

¹⁶ Watumisile manene vaka-kulandulula kutuvakana vingongonosi vya mwilu! Oloni ololo voshe vanai, ngwe vimbimba vaje vajangumuna mambava avo, co vapulula vaya.

Nahumi 3:16 Iomraidhean Croise

Kushangumuka 15:5

Co Shukulu Kalunga wamutuwisile anja nakwendeka ngwendi, “Kenga kwilu, eseka kulava vingongonosi evi. Co vatekulwila vove vakapwa vavangi ngwe vingongonosi evi.”

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Nehemiya 9:23

Wavanene vana vavangi manene ngwe vingongonosi vya mwilu, co wavatavele kuvafungulula nakukala mu lifuti, lije liwakulaesele vakukulwila vavo kuvanalyo.

Myaso 105:34

Washikile, co vimbimba vezile vavangi-vangi vaje naumo wai wasele kuvalava,

Isaya 23:8

Iyajo watumbile vutumbe vwoshe ovu a Tile, nganda ije ya vumwene, vaka-kulandeselamo vapwile vana va vimyene, vaje vapwile vanu va vulemu ano asi?

Njelemiya 33:22

Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

Njwele 1:4

Vinjame na vinjame vya vimbimba vyalile vimbuto, co vimbuto vije viyasezele njame imo, njame ikwavo yavinyongesele.