Nahumi 2:5 - Livulu lya Shukulu Kalunga

⁵ Vamyata valinakuvasana, valinakutanozoka omo vashwenya kulutwe. Vaka-kulwisa vazambwila vwasi ku civumbe nakwaka vintelo vya vyuma vimo vyakulikwasesa kuwisa civumbe.

Nahumi 2:5 Iomraidhean Croise

Isaya 21:5

Mu cimona, njamwene ciwano cakuvwaesela cimweja, vanajala tumbilititi ngeci vangenzi vatumbameo. Co vakele nakulya nakunwa. Vwasi-vwasi kwezile lishiko ngwavo, “Vamyata ambateni vintelo vyeni vwasi!”

Isaya 5:27

Naumo wai wavo akajuka, co naumo wai akatanuka. Naumo wai akanenguka nambe kulala. Naumo wai akashengenyesa mwiva wendi, naumo wai akavatwisa mwiva wa n̄aku yendi.

Njelemiya 46:12

Miyati ya vanu vanazivi shwamwa yeni, vanu voshe vanazivi kulila kweni. Mashwalale vanatanuka ali umo na mukwavo, co voshe vanawila asi.

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Nahumi 2:6

Vikolo vili ku ndonga vyashokoloka, mu lipela mwoshe munashulu lyova.

Nahumi 3:18

Mwene wa Asilya, vanguvulu vove na vanu vove va kasingimiko vanatsi! Vanu vove vanashandokela a munkinda, co naumo wai avelwisa lalo kwimbo.

Nahumi 3:3

Vanalume vaka-kwendela a tuvalu vaya kulutwe mukulwa, mikwale ivyakuma, na makunga avyakuma! Vivimbi vanalundama mutumbo, ije naumo wai asa kuvalava, vanalume valinakutanozokao!

Hambakuke 1:8

“Tuvalu twavo valinalumbisi kutuvakana shonge, co vakevo vatewesa manene na vukalu kutuvakana tungunga. Vaka-kulonda a tuvalu vakatundu ku mafuti a kulyala, co tuvalu twavo vakalingi musindo asi na vimbemba vyavo. Vaka-kulonda a tuvalu twavo vakalu nzita vwasi-vwasi nakucuncumukila a vitozi vavo ngwe vingonga.