Nahumi 1:8 - Livulu lya Shukulu Kalunga

⁸ Akanyongesa vitozi vendi njwa ngwe mulikajalela livazi, atwala ku kutsa vaje vamuyeluwisa.

Nahumi 1:8 Iomraidhean Croise

Yombi 30:15

Vyakujujwisa vyanjiwana, vukama vwange vuneti ngwe lihunzi, co vufuko vwange vuneti ngwe lishelwa.

Yombi 40:11

Mwesa vukalu vwove vwakama, kenga voshe vaje vaka-kulyalesa ngeci uvononwese.

Visimo 4:19

Oloni ngila ya vaka-vuvi, inazivala vwii ngwe lisusulungu, vawila asi, oloni kuvamono vije vinavatanukisa.

Isaya 13:10

Vingongonosi na mulalavizi wavyo kuvikatu ceke, litangwa likatsitsivala omo lituuka, co ngonde lalo kuyikatu ceke.

Isaya 13:9

Kenga, litangwa lya Shukulu Kalunga lilinakwija, litangwa lya vukalu vwendi vwakama nakuluvala kwendi. Mukuluvala kwendi Shukulu Kalunga akapwisa lifuti mupulungwa, nakunyongesa vaka-vuvi vamwo.

Isaya 28:17

Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 28:18

Cikumiiyo mwalikumiiye na kutsa cikahwa, co lizivasano mwalizivasanene na lifuti lya vukalo vwa vatsi vakalitundisa. Co vukalu vwa mankimba akungwanjanga akamikupula.

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 8:22

nakukenga lalo asi, oloni vyai vakamona, vakamona lika tuyando na lisusulungu, lisusulungu lyakuzivisa lyova muje muvakavombila.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Njelemiya 51:64

co endeka ngwove, ‘Evi vikevyo vikalingiwa ku Mbambilone, ikavombela, co nalumo lwai lalo ikatumuka, omwo a cihiso cije cakanena Shukulu Kalunga a Mbambilone.’ ” Majwi a Njelemiya anahwila ano vene.

Ezekiyele 13:13

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Mukuluvala kwange, njikatuma lihunzi lyakama, na nyonzi ya mungole, na nyonzi ya mamanya mukunyongesa civumbe.

Ndanyele 11:10

“Vana va mwene wa Silya vakalivwaesela kulwa nzita, co vakakungulula mashwalale vavangi. Umo wavo na mashwalale vendi vakakovela mu lifuti ngwe livazi, co vakalwisa cimpaka ca vitozi vavo.

Ndanyele 11:22

Woshe akamuyeluwisa nameme vene Muka-kukombelela Wakama wa Njambi vakamunyongesa.

Ndanyele 11:40

“Omo simbu ya mamaneselelo ya mwene wa Silya iketa, mwene wa Ingito akamulwisa, co mwene wa Silya akamulwisa na nzili yendi yoshe, akapangesa matemba na tuvalu, na mato akama amangi. Akafungulula mafuti amangi ngwe mema a livazi.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Amose 8:8

Ngecivene, asi akajaja, co munu woshe ali mu lifuti akalinyenga. Lifuti lyoshe likajaja, likakatuka nakunyekumuka ngwe muyikalingi Ndonga ya Nailo.

Nahumi 1:1

Eli likelyo lijwi lya Shukulu Kalunga a nganda ya Nenevayi. Nahumi uje watundile ku nganda ya Elekoshe, wasonekele vyuma vije Njambi wamumweselevyo mu cimona.

Nahumi 2:8

Vanu vatunda vwasi mu nganda ya Nenevayi ngwe mema atunda mu lishali lyakusita omo linatuvika! Co mutambi ngwawo, “Imaneni! Imaneni!” Oloni naumo wai atenguluka.

Zefaniya 2:13

Shukulu Kalunga akapangesa nzili yendi mukunyongesa Asilya. Co akanyongesa nganda ya Nenevayi nakuyipwisa ngundu, mambo yakujeka mema.

Mateo 7:27

Co omo nyonzi yanyokele, na livazi lyezile, co lihunzi lyakama lyahuwile nakuningangesa ije njuvo, co yawile, co kuwa kwayo kwapwile kwakuvi manene!”

Mateo 8:12

Oloni vaje vanapandele ngeci vakatumbame mu Vumwene vuje vakavombila anja mu lisusulungu kuje kukakala kulila nakulingenjenga ku mayo.”

1 Samwele 2:9

“Ikeye anyunga myonyo ya vanu vendi va kulongwa, oloni vaka-vivi vanyonga mu lisusulungu, nzili ya munu kuyasa kumuhyanesa.