Nahumi 1:6 - Livulu lya Shukulu Kalunga

⁶ Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Nahumi 1:6 Iomraidhean Croise

1 Vimyene 19:11

Shukulu Kalunga wendekele kuli ikeye ngwendi, “Ya ukemane akamwa ya munkinda.” Co wahuwisile lihunzi lyakama manene lije lyatavozwele malundu na mamanya, oloni Shukulu Kalunga kakelemo mu lihunzi embwe. Co lihunzi lyalikelele kuhuwa, asi ajajele, oloni Shukulu Kalunga kakelemo mukujaja kwa asi.

Yombi 26:11

Omo endeka ku vimanda vije vyakwata lilu, co vijaja na lyova.

Yombi 40:11

Mwesa vukalu vwove vwakama, kenga voshe vaje vaka-kulyalesa ngeci uvononwese.

Yombi 9:5

Ikeye atundisa minkinda kwa kuyanukisa, co mu vukalu vwendi ayinyongesa.

Myaso 130:3

Nga yove Shukulu Kalunga ukalava milonga yetu, co iyajo akovoka?

Myaso 2:12

tsembeni myanja yendi, kutewa aluvala ngeci munyonge vwasi-vwasi, omwo vukalu vwendi vushwama vwasi. Vavezika voshe vaje vatewela muli ikeye.

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

Myaso 76:8

Kusompa kwove vacizivukile tunde mwilu, vanu va asi vazivile lyova volokele kuluu,

Myaso 90:11

Iyajo azivuka nzili ya vukalu vwove? Vukalu vwove vwapwa vwakama, ngwe lyova lije tukakuzivila.

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 13:13

Ngecivene, njikajajesa melu, na asi lalo akajaja, co akatunda a mitambela yao a litangwa lije omo yange Kalunga Muka-nzili yoshe njikamwesa vukalu vwange.

Isaya 27:4

Kunjikaluvala lalo na citungu ca mikolovozi ya vushuka vwa vinyu. Oloni nga mambimbo na mishwena vikamenamo, co njikacenyeka coshe njwa.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 21:12

“Tolilileni ku evi njendeka yange Kalunga. A litangwa na litangwa sompeni mwa vushunga. Ameneni vaje vavanevila vyavo kuli vaje valinakuvayandesa. Kutewa vukalu vwange vukashwama ngwe tuhya tuje naumo wai asa kutuzima, omwo a vuvi vuje mulinakulinga.

Mbimbi 2:3

Mu vukalu vwendi wavindikile nzili ya Isalele, wavyanene kutukwasa omo vitozi vatulwisile. Waluvalele netu ngwe tuhya tuje tunyongesa vyuma vyoshe.

Mbimbi 2:4

Wananele mikili yendi ali yetu ngwe citozi, ikeye watsiile voshe vaje twavwaelelele nakujolela navo. Twazivile vukalu vwendi ngwe tuhya muno mu Yelusalema.

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 21:31

Vukalu vwange vukaija ali yeni ngwe tuhya twakushukuma. Co njikamyana ku mavoko a vanu vavavi, vaje vazivuka manene kunyongesa vanu.

Ezekiyele 30:16

Njikashwameka tuhya ku Ingito, co Pelusiyame ikakala mu tuyando. Vivumbe vya Tevese vakavisiwila asi, co nganda ikajalela.

Ezekiyele 39:6

Njikashwameka tuhya mu lifuti lya Mangonge, na ku vikuma vyoshe kuje vanu valinakukala mu kwoloka, co munu woshe akazivuka ngeci yange njapwa Kalunga.

Ezekiyele 7:8

“Ololo ukaziva vukalu vwange vwoshe. Njilinakukusompa omwo a vije viwunalingi, co njikakwilwisila vunyengwe vwove vwoshe a futisi yove.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Zefaniya 2:2

simbu kanda vacimitwale kulyala ngwe lijungu lipekumuka na lihunzi, simbu kanda litangwa liije omo Shukulu Kalunga akasholola vukalu vwendi nakuminyanyamesa ngwe tuhya mutukenyeka vyuma.

Malakiya 3:2

Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kujombolola 16:1

Asinoni njazivile lijwi lyakama lyatundile mu Njuvo ya Shukulu Kalunga lyendekele kuli tungelo vatanu na vavali ngwalyo, “Yeni muketile asi aje malonga atanu na avali a vukalu vwa Njambi!”

Kujombolola 16:8

Asinoni kangelo wamuciwana wetilile lilonga lyendi a litangwa, co valitavesele ngeci lyenyeke vanu na ntwima ya tuhya twalyo.

Kujombolola 6:17

Omwo litangwa lyakama lya vukalu vwavo linete, co iyajo asa kwimana?”