Nahumi 1:5 - Livulu lya Shukulu Kalunga

⁵ Minkinda ininganga ku mesho a Shukulu Kalunga, malundu asangunuka kulutwe lwendi. Asi aninganga omo Shukulu Kalunga asholoka, Kaye na vanu vamwo voshe valijajela.

Nahumi 1:5 Iomraidhean Croise

2 Samwele 22:8

Omo Njambi waluvalele, asi aningangele nakujaja, na maluvula a minkinda alinikile nakushengenya.

Yombi 26:11

Omo endeka ku vimanda vije vyakwata lilu, co vijaja na lyova.

Yombi 9:5

Ikeye atundisa minkinda kwa kuyanukisa, co mu vukalu vwendi ayinyongesa.

Myaso 104:32

Ikeye akenga asi, co asi ajaja, ikeye akwata a minkinda, co ikakumuka vwisi.

Myaso 114:4

Minkinda yaningangele ngwe vimembe vajombozoka, co malundu ajajele ngwe vana va vimanga vatumbozoka.

Myaso 114:6

Yeni minkinda, omwo vikajo mwajombozokele ngwe vimembe? Neni malundu, omwo vikajo mwatumbozokele ngwe vana va vimanga?

Myaso 18:7

Omo Njambi waluvalele, asi aningangele nakujaja, na maluvula a minkinda alinikile nakushengenya!

Myaso 18:8

Co vwisi vwatuukile mu majulu endi, mulangi wakunyongesa, na manungu a tuhya vyatundile mu kanwa kendi.

Myaso 46:6

Miyati ya vanu vakavazivisa lyova, na vumwene vukawa, omo Njambi akaluma, co asi akanyongolokota.

Myaso 68:8

asi ajajele, co lilu lyanyokesele nyonzi, omwo kwija kwa Njambi wa Sinai, kwija kwa Njambi wa Isalele.

Myaso 98:7

Mema a kalunga akume na vyoshe vije vilimo, kaye kaimbe ngwe vanu na vyoshe vije vyakalao!

Kutuuka 19:18

Co vwisi vwafwikile Munkinda woshe wa Sinai, omwo Shukulu Kalunga washulukilileo mu tuhya. Co vwisi vwatundileo vwafwile ngwe vwisi vwa mu lutengo lwakama, vanu voshe valijajelele manene.

Isaya 24:1

Shukulu Kalunga akanyongesa ano asi, co akapwa amupulungwa. Akafulumika kaye nakushandola vanu vao.

Isaya 24:20

Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 4:24

Njakengele ku minkinda, co yakele nakujaja, na malundu akele nakuninganga.

Ezekiyele 38:20

Isi woshe na kazila woshe, na kasitu woshe wakama nou wamundondo, na munu woshe ali ano asi vakalijajela omwo lyova lyange. Minkinda ikawa, mamanya amalaja akatavozoka, co vivumbe vyoshe vikalundumukila asi.

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Amose 9:5

Shukulu Kalunga wa Akamwa ya Vyoshe ikeye akwata asi oshe, co asi ajaja, co voshe valiho valinyenga na vusiwa. Kaye koshe kakajalela nakunyekumuka ngwe Ndonga ya Nailo.

Mika 1:4

Asinoni minkinda ikasangunuka mwisi yendi ngwe vulongo vuli mu liko, iketikila mu vimbongo ngwe mema alinakwitikila asi kutunda ku lilundu.

Hambakuke 3:10

Omo minkinda yakumwene, co yaningangele, mema etikile kutunda mu mashelwa. Mema a mwisi ya asi akumine, co mankimba awo akatukile kuya kwilu manene.

Zakaliya 4:7

Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 27:51

Asinoni nanga ije yakele nakujenjela mu Njuvo ya Shukulu Kalunga yatavukile akati, kutunda kwilu nakweta asi. Co asi ajajele na mamanya atavukile,

Mateo 28:2

Vwasi-vwasi kwakele mandunduma, omwo kangelo ka mwene washulukile mwilu, watundisile limanya, co watumbameneo.

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.

Kujombolola 6:14

Lilu lyatundile ngwe livulu lyakuzenga valinakulizengela amo, co minkinda yoshe na man̄anda oshe atundile ku mitambela yawo.

Maako 5:5

Minkinda yajajele ku mesho a Shukulu Kalunga wa Sinai, ku mesho a Shukulu Kalunga Njambi ya Isalele.