Nahumi 1:3 - Livulu lya Shukulu Kalunga

³ Shukulu Kalunga kesi kuluvala vwasi embwe, oloni wakala na nzili, co simbu yoshe akanyanyamesa vanu vaje valinga vyuma vyavivi. Kuje kwoshe kwali nakwendela Shukulu Kalunga, co kukatuka kankumba kakama, mashelwa akewo likungu lije litunda ku mendi endi!

Nahumi 1:3 Iomraidhean Croise

2 Samwele 22:10

Watavwile lilu nakulisholola, wezile ano asi, co lishelwa lyakuzivala vwii lyakele mwisi ya mendi endi.

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Yombi 10:14

Wakele nakunjinyungilila kumona nga njilinga vuvi, ngeci uvyane kunjisambesa.

Yombi 38:1

Asinoni Shukulu Kalunga wendekele kuli Yombi mu kankumba ngwendi,

Yombi 9:4

Njambi muka-mana na nzili, munu naumo wai emana nakumulwisa.

Myaso 103:8

Shukulu Kalunga ikeye wa ngozi na mema ku mbunge, kesi kuluvala vwasi, washula na cizemo cije kucesi kutenguluka.

Myaso 104:3

co watungila limbo lyove akamwa ya mema. Mashelwa waapwisa matemba ove, ukende a mambava a lihunzi.

Myaso 145:8

Shukulu Kalunga ikeye muka-kutetela na mema ku mbunge, kesi kuluvala vwasi, oloni washula na cizemo cije kucesi kutenguluka.

Myaso 147:5

Shukulu Kalunga ketu wapwa wakama, na nzili yendi yapwa yakama, ikeye azivuka vyuma vyoshe.

Myaso 50:3

Njambi yetu aija, oloni kaija noloka kuluu embwe, tuhya twakunyongesa tuli kulutwe lwendi, na lihunzi lyakama linamuzengeleka.

Myaso 62:11

Visimbu vyavingi njinazivi Njambi endeka ngwendi, “Nzili yakundama kuli yange,

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Ndanyele 7:13

Mu cimona cange ku simbu ya vutsiki, njamwene umo wakulifwa ngwe munu. Ikeye wakele nakushwenya kuli yange, co mashelwa amuzengelekele, co waile kuli uje wakala ku myaka yoshe.

Hoziya 8:7

Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Zakaliya 9:14

Shukulu Kalunga akashuluka akamwa ya vanu vendi ngwe lishelwa, akasha mikili yendi ngwe muhyato. Shukulu Kalunga wa Akamwa ya Vyoshe akaimba lupembo, akalwila mu lihunzi kutunda ku mbwela.

Kulava 14:18

‘Yange Kalunga kunjesi kuluvala vwasi embwe. Njashula na cizemo cije kucesi kutenguluka nakusambesa vuvi vwavo nakutengulukila kwavo. Oloni kunjikonwa kunyanyamesa vana na vatekulwila a vuvi vwa vaishavo ku cisemwa camucitatu neci camuciwana.’

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.