Nahumi 1:2 - Livulu lya Shukulu Kalunga

² Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Nahumi 1:2 Iomraidhean Croise

Yombi 20:23

Omo akashaka kulya nakukuta! Co Njambi akamuhisa na vukalu vwendi vwakama.

Myaso 94:1

Shukulu Kalunga yove wapwa u Njambi muka-kuhisa vaka-vuvi, sholola vukalu vwove!

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 34:14

“Ngecivene, kesi mukalemese njambi weka lalo, omwo yange Kalunga, njapwa Njambi wa lifuwa.

Kutuuka 34:7

Yange njimwesa cizemo cije kucesi kutenguluka ku makulukazi a vanu, nakuvasambesa ku milonga yavo na ku kupenga-penga kwavo, na ku vuvi vwavo. Oloni kunjikajuka kunyanyamesa vana na vatekulu ku cisemwa camucitatu neci camuciwana a vuvi vwa visemi vavo.”

Isaya 42:13

Shukulu Kalunga aya mukulwa, ngwe lishwalale wa vukalu alinakutambeka na nzili yendi yoshe, omo alinakulwisa vitozi vendi.

Isaya 51:17

Yelusalema, induka! Katuka wimane! Unanu mu nganja ya vukalu vwa Shukulu Kalunga wainwile nakuyimanesa, co wapelyangelele.

Isaya 51:20

Ku vimbango vya vitapalo vyoshe vanu vove valinakulezumuka omwo kuzeya, vanafu ngwe mbambi natsi mu mweto wa ciyambi. Vanazivi nzili ya vukalu vwa Njambi.

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Njelemiya 25:15

Shukulu Kalunga, Njambi ya Isalele, wendekele kuli yange ngwendi, “Nganja ya vinyu eyi inashulu na vukalu vwange. Itwale kuli voshe vaje kesi vaYunda kuje njikakutuma, co vanwiseyo.

Njelemiya 28:8

Vaka-kwimanena vaje vendekele ku san̄ulu, omwo kanda simbu yange neyi yeni yete, vambulwile ngwavo nzita, na njala ya lyangengela, na mushongo vikaija ku miyati yaingi na ku vumwene vwakama.

Njelemiya 3:5

Kuwasa kuluvala simbu yoshe, kuwasa kunjiluvalela ku myaka yoshe.’ Isalele, omu mukemwo muwendekele, oloni walingile vuvi ngwe muunashakela.”

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Njelemiya 50:15

Tambekeni mutambi wa nzita nakuzengeleka nganda! Ololo Mbambilone inaliiti. Vivumbe vyayo vinau. Co vinasanyozokela asi, njilinakulinga shambandinga ali vaMbambilone. Ngecivene, neni lalo velwisileni shambandinga, valingeni ngwe muje vakevo valingile ku vakwavo.

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 36:6

“Ngecivene, ambulula vuka-kwimanena ku lifuti lya Isalele, leka minkinda na malundu, na vana va vindonga, na vimbongo, vije yange Kalunga wa Akamwa ya Vyoshe, njilinakwendeka na lifuwa lya vukalu, omwo a ngila ije miyati vamishawile nakumizivisa shwamwa.

Ezekiyele 38:18

Shukulu Kalunga wa Akamwa ya Vyoshe alinakwendeka ngwendi, “A litangwa lije omo Ngonge akakovelela Isalele, yange njikaluvala manene.

Ezekiyele 38:19

Yange njendeka mu vukalu vwange ngwange a litangwa lije kukakala mandunduma akama manene mu lifuti lya Isalele.

Ezekiyele 39:25

Shukulu Kalunga wa Akamwa ya Vyoshe wendekele ngwendi, “Ololo njikazivila mema ku mbunge vatekulwila va Yakomba, vanu va Isalele, co vakavezika lalo. Njikanyunga lizina lyange lyakujela.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 6:12

Vaje vali kulyala vakavinja, co vakatsa, na vaje vali muyehi vakatsila mu nzita, co vaje vakasalao vakalanduka ku njala. Vakaziva nzili ya vukalu vwange.

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Njwele 2:18

Asinoni Shukulu Kalunga wazivilile ngozi lifuti lyendi, co wazivile mema ku mbunge ali vanu vendi.

VaLevi 26:28

co mukuluvala kwange njikamitengulukila nakumihisa lalo visimbu vitanu na vivali a vuvi vweni kutuvakana a simbu yakulivanga.

Mika 5:15

Co mu vukalu vwange vwakama njikalinga shambandinga miyati yoshe ya vanu vaje kuvanjononokele.”

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Zakaliya 1:14

co kangelo wanjilekele ngeci njambulule vije vyendekele Shukulu Kalunga Muka-nzili yoshe ngwange Shukulu Kalunga nendeka ngwendi, “Njili na cizemo cakama manene a Yelusalema, nganda yange yakujela

Zakaliya 8:2

“Njishungwiya kukwasa Yelusalema omwo cizemo cange cakama manene ali vanu vaje valimo, cizemo cije canjiluvalesele na vitozi vendi.

Kulava 25:11

“Omo a evi nalingi Finehase, nolwesa vukalu vwange ali vanu va Isalele. Ikeye nakala na ntwima yakusingimika vukama vwange ngeci wavyanene kulemesa vinjambi veka kuvanga yange. Co omu mukemwo kunjavanyongesele vanu voshe mu vukalu vwange.

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Loma 13:4

omwo napu ngamba ya Njambi ngeci akulingile vuvwa. Oloni nga ulinga mwamuvi, co muzivile lyova, omwo nzili yendi ya kukunyanyamesa inapu ya vushunga. Ikeye napu ngamba ya Njambi, co alinakunena kunyanyamesa kwa Njambi kuli vaje valinga mwamuvi.

Kwituluka mu Mashiko 4:24

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.

Kwituluka mu Mashiko 7:10

Oloni ikeye kesi kwishwala kuhisa vaje vamuzinda.

VaHevelu 10:30

Omwo tunazivuka uje wendekele ngwendi, “Njikalinga shambandinga, co njikavelwisila fweto yavo,” nendeka lalo ngwendi, “Shukulu Kalunga akasompa vanu vendi.”

Yoshwa 24:19

Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni,

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,