Nahumi 1:12 - Livulu lya Shukulu Kalunga

¹² Evi vikevyo vyalinakwendeka Shukulu Kalunga kuli vanu vendi va Isalele ngwendi, “Nameme vaAsilya vatumu manene, nambe vali na nzili, vakanyonga, co vakaziluka. Vanu vange, njamiyandesele, oloni kunjikacilingi lalo embwe.

Nahumi 1:12 Iomraidhean Croise

2 Vimyene 19:35

Co vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

2 Vimyene 19:37

A litangwa limo, omo wakele nakulemesa mu njuvo ya njambi yendi Nisoloke, vana vendi vavali va vanalume, Andalameleke na Shalezele, vamutsiile na mikwale yavo, co vatewelele ku lifuti lya Alalate. Munendi Esalehandone wamushwanene kupwa mwene.

Kutuuka 12:12

“A vutsiki vuje njikaita mu lifuti lya Ingito, njikatsiya vana va vanalume voshe va va ntwatwa va vanu, na ava va tusitu vakulivanga kusemuka. Co njikahisa vinjambi voshe va mu Ingito, yange njapwa Kalunga.

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 17:14

A simbu ya cingwezi kulwa kwavo kuzivisa lyova, oloni ku mutondo voshe vavanyongesa. Eci cikeco cikalingiwa kuli vanu vaje vakatambula lifuti lyetu nakupukula vufuko vwetu.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 31:8

VaAsilya vakavatsiila mu nzita, oloni kesi na mikwale ya vanu embwe. Vakwenje vavo vakeseka kuputumuka, oloni vakavakwata nakuvapwisa vindungo.

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 51:22

Shukulu Kalunga Njambi yeni alinakumimanena nakwendeka ngwendi, “Njilinakutundisa ije nganja injamyanene ya vukalu vwange. Kumukanu vinyu ngeci mupelyangele embwe.

Isaya 7:20

“A litangwa lije, Shukulu Kalunga akalanya muka-kuteula wa musambwa ya Ndonga ya Yufuleti mwene wa vaAsilya! Co ikeye akamiteula minjezi yeni na vin̄ambu vya ku mitwe yeni, na maka aa mivila yeni.

Isaya 8:8

Vakakovela mu lifuti lya Yunda mwoshe, ngwe livazi lyakusikisila mu mukoshi nakukupula vyuma vyoshe.” Njambi ali amo netu! Najangumuna mambava endi mukunyunga lifuti.

Ndanyele 11:10

“Vana va mwene wa Silya vakalivwaesela kulwa nzita, co vakakungulula mashwalale vavangi. Umo wavo na mashwalale vendi vakakovela mu lifuti ngwe livazi, co vakalwisa cimpaka ca vitozi vavo.

Njwele 2:19

Co wavakumbulwile ngwendi, “Ololo njikamyana vimbuto na vinyu na mazi a olive, co mukapwisamo oni. Miyati yeka kuvakamiyeluwisa lalo.

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Kujombolola 7:16

Vakevo kuvakazivi lalo njala nambe lihwila, co lalo litangwa nambe lihunzi lya ntwima kulikavenyeka embwe,