Myaso ya Solomoni 4:3 - Livulu lya Shukulu Kalunga

³ Tunwa twove tunapu ngwe vwanda vwakuvenguluka, tunapu twatuvwa omo wendeka, vinana vyove vinalifu na mbazuvwila ya mapomingilanete omo unalifwiki nanga ku mutwe wove.

Myaso ya Solomoni 4:3 Iomraidhean Croise

Kushangumuka 32:10

Kucanjipandelemo kutetela kwangacije na vuvwa vwove vuunasholola kuli yange ngamba yove, co nacimo cai njajavukile naco Yondau kuvanga mulamu lika, co ololo kenga, njineluka na vimbunga evi vivali!

Ezela 9:6

Co njendekele ngwange, “Yove Shukulu Njambi, njili na shwamwa manene yakwandula mutwe wange ku mesho ove. Vuvi vwetu vunatumu manene kutuvakana mitwe yetu, vunete na mu melu.

Myaso 119:13

Njikelukilamo kwendeka mashiko oshe, aje awunanjana yove Shukulu Kalunga.

Myaso 37:30

Majwi a munu wamuvwa apwa a mana, co ikeye akendeka vushunga simbu yoshe.

Myaso 45:2

Yove uwamuvwa manene kutuvakana vanalume voshe, u muka-kwendeka na ngozi, visimbu vyoshe Njambi alinakukuvezikisa!

Visimo 10:13

Vihwanga vakendeka vya mana, oloni vilema vashaka lika kuvahisa.

Visimo 31:26

Akendeka na lyovwa-ovwa na mana.

Myaso ya Solomoni 1:5

Yeni vanakazi va mu Yelusalema, nambe njiwakuzivala oloni njiwamuvwa, ngwe vimbalaka vya mu mambo vya ku Kendale, ngwe mavamba a mu lipela lya Solomoni.

Myaso ya Solomoni 4:11

Yove shombolwa yange, ku kanwa kove kukandweke ngwe ngenga ya vuki, mavele na vuki vyakala mwisi ya ndaka yove. Vweko vwa vuzalo vwove vunapu ngwe vweko vwa miti ya ku Lembanone.

Myaso ya Solomoni 5:13

Vinana vyendi vyapwa vyavivwa ngwe citungu muje muli visapa-sapa vyakunika lwengo lwaluvwa manene. Co tunwa twendi twafwa ngwe man̄anda, tulinakundweka miila.

Myaso ya Solomoni 5:16

Kwendeka kwendi kwakuvwa manene, co ikeye napu wamuvwa mu vyuma vyoshe. Yeni vanakazi va mu Yelusalema, ou ikeye muka-cizemo cange, ikeye musamba wange.

Myaso ya Solomoni 6:7

Vinana vyove vilinakuvyazima mwisi ya nanga yove yakulifwika ku mutwe.

Myaso ya Solomoni 7:9

Kanwa kove kanapu ngwe vinyu vyavivwa manene. Vinyu viite mwamuvwa a mulivu wa muka-cizemo cange, viite akamwa ya tunwa twendi na mayo endi.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

VaLevi 14:4

co muka-kukombelela akashike ngeci anene tuzila vavali vakulya, amo na kaciti ka kendale, na mukole wakuvenga, na cishamo ca hisope.

VaLevi 14:6

Co akanone kazila mukwavo nakumumbwitika amolika na kaciti ka kendale, na mukole wakuvenga, na hisope, mu maninga akazila uje ivanatsii.

Kulava 19:6

Asinoni muka-kukombelela akanone kaciti ka kendale, na kacishamo ka hisope, na mukole wakuvenguluka, co vakavyumbile mu tuhya muje mulinakwenyela uje ngombe.

Kulava 4:8

Vyoshe evi vavifwike na nanga yakuvenguluka, co akamwa vakafwikeo vilambu vya mavau vyakufutungula mwamuvwa, asinoni vakashomazekako mikambo yakwambatela.

Mateo 12:35

Munu wamuvwa ikeye muka-kusholola vyuma vyavivwa ku vufuko vwendi vwavuvwa vwa mu mbunge, co munu wamuvi akasholola vyuma vyavivi ku vufuko vwendi vwavuvi vwa mu mbunge.

Luka 4:22

Co voshe vamushangalele, valikomokelele ku majwi endi endekele, vendekele ngwavo, “Ou kesi ikeye uje muna Yosefa ndi?”

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Kolose 4:6

Endekesi yeni simbu yoshe inapande kupwa yaivwa ya mbwase nakuvwaelelesa, co zivukeni vati mu munapande kukumbulwila mwamuvwa kuli vanu voshe.

VaHevelu 9:19

Akulivanga, Mosesa walekele vanu mashiko a Njambi oshe, ngwe muvaemikile. Co wambatele maninga a vana va vingombe va nkomba na vimembe nakwawakumbasana amo lika na mema, co waashamwinine a livulu lya Lishiko na a vanu voshe na kacishamo ka hisope, co na a a vimanga akuvenga.

Yoshwa 2:18

Omo tukakovela mu lifuti lyeni, unapande kulinga eci, ukakuta ou mukole wakuvenga ku njanena eyi iwunatusosela asi. Co ukasana isho, na vanyoko, na vandolome vove, amo na vavushoko vwa isho voshe mu njuvo yove.