Myaso ya Solomoni 2:10 - Livulu lya Shukulu Kalunga

¹⁰ Muka-cizemo cange wendekele kuli yange ngwendi, “Induka, muka-cizemo cange, mwoni wange, ija tuye amo.

Myaso ya Solomoni 2:10 Iomraidhean Croise

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

Myaso 85:8

Njikatolilila vije vyendeka Shukulu Kalunga Njambi, nakulaesa kwoloka kuli yetu vanu vendi va kulongwa kuli ikeye, nga kutwilukila ku vulema vwetu.

Myaso ya Solomoni 1:15

Kenga, uwamuvwa, muka-cizemo cange, kenga, uwamuvwa manene, mesho ove anapu ngwe mayembe!

Myaso ya Solomoni 1:9

Yove muka-cizemo cange, njinakwesekesa na kavalu wa lwavo wa ku matemba a mwene wa Ingito.

Myaso ya Solomoni 2:11

Kenga, cisika cinahu, co nyonzi inahu.

Myaso ya Solomoni 2:13

Mikuyu ilinakushangumuka kuhya, co miti ya mikolovozi ya vushuka vwa vinyu ilinakushamwina nakunikisa lihunzi lwengo lwaluvwa. Ija, muka-cizemo cange, mwoni wange, ija tuye amo.

Myaso ya Solomoni 2:8

Njinazivi lijwi lya muka-cizemo cange. Alinakwija nakushatuka a minkinda, alinakushatuka nakujombozoka a malundu aija kuli yange.

Myaso ya Solomoni 5:2

Yange njalalele, oloni njakele nakutona. Njalotele muka-cizemo cange alinakutota ku lipito ngwendi, “Njishokolweleko mwoni wange, wa cikongo cange ca mbunge, liyembe lyange. Mutwe wange unajulu na lime, na vin̄ambu vyange vinajulu na mbundu.”

Njelemiya 31:3

njasholokele kuli vakevo alyala. Vanu va Isalele, simbu yoshe njamizema, ngecivene, simbu yoshe njikamwesa cizemo cange cije kucesi kutenguluka.

Mateo 9:9

Omo Yesu watundile ku mutambela uje, wamwene munu lizina lyendi Mateo, natumbama ku njuvo yakutambwila lisimu. Co Yesu wendekele kuli ikeye ngwendi, “Njikave.” Co Mateo wakatukile wamukavele.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.