Myaso 97:6 - Livulu lya Shukulu Kalunga

⁶ Melu asholola vushunga vwa Shukulu Kalunga, co vanu voshe vamona vumpau vwendi.

Myaso 97:6 Iomraidhean Croise

2 Samwele 22:47

Shukulu Kalunga wayoya! Shangazaleni muka-kunjilwila! Shangazaleni vukama vwa nzili ya Njambi muka-kunjamena.

Myaso 19:1

Melu ambulula vumpau vwa Njambi! Kaye kasholola vipangi vya mavoko endi!

Myaso 50:6

Melu asholola vushunga vwa Njambi, omwo Njambi vavenya wapwa lyaako!

Myaso 67:4

Vanu vajolele, co vaimbe nakuvwaelela, omwo yove ukasompo vanu mu vushunga, nakutwamenena miyati yoshe ya asi.

Myaso 89:2

Omwo cizemo cove cije kucesi kutenguluka cikakalako simbu yoshe. Kulongwa kwove kwakala myaka yoshe ngwe melu.

Myaso 89:5

Shukulu Kalunga melu alinakushangazala vilinga vyove vyakukomokesa, na kulongwa kwove valinakuviimba mu vikungulukilo vya vaka-kujela.

Myaso 98:3

Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

Isaya 1:2

Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 45:6

Njilinakulinga evi ngeci, kutunda ku shongo imo ya kaye kutwala ku shongo ikwavo, munu woshe azivuke ngeci yange njapwa Kalunga, kukwesi njambi weka lalo wai.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Isaya 66:18

Njizivuka viyongola vyavo na vilinga vyavo. Njilinakwija nakukungulula vanu va miyati yoshe. Omo vakakungulukila amo, vakamona nzili yange muyafwa,

Hambakuke 2:14

Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.

Kulava 14:21

Oloni njikuleka ngwange mwa vushunga vene omo yange njayoya, co na vumpau vwange vwashula asi oshe,

Mateo 6:9

Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”