Myaso 97:2 - Livulu lya Shukulu Kalunga

² Mashelwa na lisusulungu vinamuzengeleka, co kushungama na vushunga vikevyo vyapwa luvula lwa litanda lyendi.

Myaso 97:2 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Yombi 23:14

Ikeye akashulisa vutumbe vuje watumbile ali yange, vutumbe vuje vunapu vumo vwa matumbe amangi aje alinawo,

Yombi 26:9

Ikeye akashweke ngonde yoshe yamutunu mu lishelwa.

Myaso 77:19

Wendele a mankimba, wajavukile mema a kalunga, oloni myanja yove kuyasholokele.

Myaso 89:14

Ukashwana vumwene vwove mukushungama na mu vushunga, cizemo cije kucesi kutenguluka na kulongwa visholoka mu vyoshe vije ulinga.

Myaso 89:15

Yove Shukulu Kalunga, vanavezika vanu vaje vakulemesa na myaso, vanu vaje venda mu ceke cove!

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Kutuuka 19:9

Shukulu Kalunga wendekele kuli Mosesa ngwendi, “Njikaija kuli yove mu lishelwa lya kuhima, co vanu vakanjiziva omo njikendeka nove, co vakakukulaela kutunda ku lelo nakutwala ku simbu yoshe.” Mosesa walekele Shukulu Kalunga vije vivakumbulwile vanu,

Kutuuka 20:21

Oloni vanu vatwaleleo kwimana alyala, kuvanga Mosesa lika washwenyele kuyehi na lishelwa lyakuzivala kuje kwakele Njambi.

Visimo 16:12

Cinapu ca vunyengwe ku vimyene kulinga vyuma vyavivi, omwo litanda lya vumwene lyapwa lya vushunga.

Nahumi 1:3

Shukulu Kalunga kesi kuluvala vwasi embwe, oloni wakala na nzili, co simbu yoshe akanyanyamesa vanu vaje valinga vyuma vyavivi. Kuje kwoshe kwali nakwendela Shukulu Kalunga, co kukatuka kankumba kakama, mashelwa akewo likungu lije litunda ku mendi endi!

Loma 11:33

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?