Myaso 96:9 - Livulu lya Shukulu Kalunga

⁹ Yeni vaka-kaye voshe tsikameni nakulemesa Shukulu Kalunga, na vuzalo vwakumulemesa navwo, vaka-kaye voshe vajaje ku mesho endi!

Myaso 96:9 Iomraidhean Croise

2 Mizimbu 29:28

Vanu voshe vakungulukilile kuje vakele amo nakulemesa, co vaka-kwimba vakele nakwimba visanzi noo vin̄ombelo vya kwenyeka vyahwile.

2 Mizimbu 29:29

Asinoni Mwene Hezekiya na vanu voshe vatsikamene a mavuli nakulemesa Njambi.

2 Mizimbu 29:30

Co mwene na vantwama valekele vaLevi kwimbila Shukulu Kalunga myaso yakumushangazala ije yasonekele Ndaviti na Asafe muka-kwimanena. Ngecivene, munu na munu wembile nakujolela manene omo vatsikamene a mavuli nakulemesa Njambi.

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

Myaso 114:7

Asi ajaje omo Shukulu Kalunga aija, ku mesho a Njambi ya Yakomba,

Myaso 29:2

Shangazaleni lizina lya vumpau lya Shukulu Kalunga, shangazaleni Shukulu Kalunga na vuzalo vwakumulemesa navwo.

Myaso 33:8

Yeni voshe vaka-asi komokeni Shukulu Kalunga! Musingimikeni, yeni voshe vanu va ano asi!

Myaso 76:11

Aneni Shukulu Kalunga Njambi yeni vije mwamukulaesele, yeni voshe miyati ya muyehi muneneleni vwana. Njambi ikeye imunapande kukomoka.

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

Myaso 99:1

Shukulu Kalunga ikeye mwene, miyati yoshe inapande kujaja! Natumbama a litanda lyendi lya vakelumbi va mambava, asi anapande kundunduma.

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

Ndanyele 11:45

Akashimbika vimbalaka vyendi vyakama vya vumwene mukati ka mema a kalunga na a munkinda aje ali Njuvo ya Shukulu Kalunga. Oloni akatsa, co naumo wai wakumukwasa akakalako.”