Myaso 96:3 - Livulu lya Shukulu Kalunga

³ Ambululeni vumpau vwendi kuli vanu, na vilinga vyendi vyakukomokesa kuli vanu voshe.

Myaso 96:3 Iomraidhean Croise

Myaso 150:2

Mushangazaleni a vilinga vyendi vya nzili, mushangazaleni a vukama vwendi vwakukomokesa.

Myaso 22:27

Miyati yoshe vakanuka Shukulu Kalunga, mitambela yoshe ya mu kaye vakatengulukila kuli ikeye, co vanu voshe vakamulemesa.

Myaso 57:9

Njikukandelela yove Shukulu Kalunga akati ka miyati, njikakushangazala akati ka vanu.

Myaso 9:2

Njikaimba nakujolela omwo yove, njikaimba nakushangazala Njambi Muka-nzili yoshe!

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.