Myaso 95:7 - Livulu lya Shukulu Kalunga

⁷ Ikeye napu Njambi yetu, netu tunapu vanu vendi vaje vakanyungu, tunapu vutanga vwendi vuje vwakalisa. Tolilileni ku lijwi lya Njambi lelo,

Myaso 95:7 Iomraidhean Croise

1 Mizimbu 16:14

Shukulu Kalunga ikeye Njambi yetu, akanene vushunga kwoshe-ikwoshe ano a kaye.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 115:3

Njambi yetu ali mwilu, akalingi vyoshe vije ashaka.

Myaso 23:1

Shukulu Kalunga ikeye Kanyungi kange, navimo vyai njijeneka.

Myaso 48:14

“Ou Njambi wapwa Njambi yetu ku myaka yoshe, akatutwamenena ku visimbu vyoshe.”

Myaso 67:6

Vimbuto vinamene mu livu, Njambi, uje wapwa Njambi yetu natuvezikisa.

Myaso 74:1

Omwo vikajo unatusezela yove Njambi? Kuma ukaluvala na vanu vove ku myaka yoshe ndi?

Myaso 79:13

Asinoni yetu vanu vove, vimanga va ku vutanga vwove, tukakukandelela ku myaka yoshe, nakukushangazala visimbu vyoshe.

Kutuuka 15:2

Shukulu Kalunga ikeye nzili yange omu mukemwo njilinakumwimbila, omwo nanjamena. Ikeye Njambi yange, co njikamushangazala, ikeye Njambi ya tate, co njikamwimbila a vukama vwendi.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Visimo 8:6

Tolilileni ku majwi ange amavwa, vyoshe vinjimileka vinapu vya vushunga.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

VaHevelu 3:15

Visoneka vinendeka ngwavyo, “Lelo vene nga muziva lijwi lya Njambi, kesi mukaluwise vimbunge vyeni ngwe muvalingile vakukulwila veni omo vatengulukilile Njambi.”

VaHevelu 4:7

Ngecivene, cinasholoka ngeci Njambi nemika litangwa likwavo, eli vanatumbula ngwavo “Lelo.” Myaka yaingi kunima wendekele a litangwa eli kuli Ndaviti mu visoneka tunalava akamwa, ngwendi, “Lelo vene nga muziva lijwi lya Njambi, kesi mukaluwise vimbunge vyeni.”

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.