Myaso 95:11 - Livulu lya Shukulu Kalunga

¹¹ Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo.’ ”

Myaso 95:11 Iomraidhean Croise

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Ezekiyele 13:9

Ololo njiminyanyamesa yeni vaka-kwimanena va vimona vya makuli, nakwambulula vuka-kwimanena vwakutanganesa. Kumukakalako, omo vanu vange vakalikungulula nakutumba matumbe, co mazina eni kuvakaakako ku mukana wa mazina a vandambo va Isalele, kumukeluka ku lifuti lyeni. Asinoni mukazivuka ngeci yange Kalunga wa Akamwa ya Vyoshe.

Kulava 14:23

Co nalumo lwai vakakovela mu lifuti lije njalikulaesele kuli vakukulwila vavo. Naumo wai wa ali ava vananjishaula akamona lifuti lije,

Kwituluka mu Mashiko 12:9

Omwo kanda mucikovele nakushwana lifuti lije lyalinakumyana Shukulu Kalunga Njambi yeni ngeci mukahwime nakuyoya mu kwoloka.

VaHevelu 3:11

Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci vakahwiminemo!’ ”

VaHevelu 3:18

Omo Njambi walisingile ngwendi, “Nalumo lwai vakakovela mu lifuti lije njinesi kuvana ngeci vahwiminemo.” Wendekele kuli veyajo? Wendekele kuli vaje vamutengulukilile.

VaHevelu 4:3

Ngecivene, yetu tunakulaela, tukakovela mukuhwima kuje kwakulaesele Njambi. Ngwe mwendekele ngwendi, “Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo!’ ” Ikeye wendekele evi nambe vipangi vyendi vyahwile tunde ku san̄ulu omo watangele kaye.

VaHevelu 4:5

Evi vin̄anda vavyendekele lalo ngwavo, “Kumukakovela mu lifuti lije linjashakele kumyana ngeci mukahwiminemo.”

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”